Таны сэлфи зургийг урлагийн музейд үзмэр болгон тавихгүй ч та өөрийн уран зургийг үүсгээд гэртээ хадаж болохоор болжээ.
Ингэхийн тулд та DeepArt вэбсайтад фото зургаа оруулна. Дараа нь ямар хэлбэрийн уран зураг болгох сонголтоо хийх юм.
Тухайлбал та Винсент Ван Гог, Пабло Пикассо, эсвэл Фрида Калогийн зурсан мэт хэлбэртэй болгож болно.
Уг сайтыг бүтээгчид нь нервологийн судлаачдын бүтээсэн “хүний тархин дахь эсүүдийн холбоос” нэртэй алгоритмийг ашиглажээ.
Одоогоор сайтын эрэлт маш өндөр байгаа ба нэг зураг илгээхэд бэлэн болох хугацаа нь 40 цаг орчим болж байгаа гэнэ.
Харин 1.99 евро орчмыг төлбөл боловсруулах хугацаа нь 15 минут болж буурч байгаа юм.
Хүсвэл та уг бүтээлээ хэвлүүлэн худалдаж авч болдог юм байна.
Эх сурвалж: ikon.mn
