2015-08-31

Хамгийн шилдэг аппликэйшнүүд

16:01
Орчин үед хүмүүсийг гар утасгүй, интернэтгүйгээр төсөөлөх боломжгүй.
Яагаад гэвэл бүх ажил, алба энэ хоёр дээр л суурилж цааш хөгжиж байна. Хүний амьдралыг хөнгөвчлөх олон зүйлийг судлаачид бүтээсэн ч хамгийн их эрэлттэй нь юу вэ гэж асуувал би хувьдаа аппликэйшн гэж хэлнэ. Интернэтээр дамжуулан гар утсандаа дэлхийг багтаах боломжийг энэ л зүйл  бидэнд олгож байна.Тэгвэл та манай гаригийн хамгийн шилдэг аппликэйшнүүдийг мэдэх үү?
Энэ талаар “triplepundit.com” сайтад нэгэн сонирхолтой баримтыг нийтэлжээ. Ухаалаг гар утас гэдэг хүн төрөлхтний өдөр тутмын ажил амьдралыг илүү хялбар, илүү сонирхолтой болгохын зэрэгцээ байгаль дэлхийд ч эерэг нөлөө үзүүлдэг. Энэ дундаас дэлхийн ухаалаг гар утасны байгаль орчноо хамгаалахад чиглэсэн шилдэг дөрвөн аппликэйшнийг нэрлэсэн байна. Эдгээр аппликэйшний онцлог болоод давуу талуудтай хамтдаа танилцъя.
 
1. GiveO2
Энэ бол агаарын бохирдол ихтэй өнөө цаг үед хамгийн их тохирсон аппликэйшн ч байж мэдэх юм.
Тус аппликэйшнээр дамжуулан ухаалаг утастай хэн бүхэн хаана нүүрсхүчлийн бохирдлын төвшин ямар хэмжээнд байгааг мэдэх боломжтой. Энэ аппликэйшн GPS-тэй учраас та хаана очих ёстойгоо төвөггүйхэн мэдэж чадна.

 

Continue Reading
Дэлгэрэнгүй »
Posted by at 16:01
Labels:

2015-08-28

Дэлгэрэнгүй »
Posted by at 13:14
Labels:

Amazon цоо шинэ бизнес загвар нэвтрүүллээ

10:02
1760bf underground home x800
Онлайн худалдааны Амазон компани өнөөдөр Amazon Underground нэртэй шинэ App Store нээж байгаагаа зарлалаа.
Энэ дэлгүүрийн онцлог бол бүх аппликэшн нь бүрэн үнэ төлбөргүй. Ямар нэг аппликэшн дотрох нэмэлт худалдан авалт ч байхгүй.
Continue Reading
Дэлгэрэнгүй »
Posted by at 10:02
Labels:

Samsung Galaxy утасны камер ярьж чаддаг бол танд дараах зүйлсийг хэлнэ

09:52
Бид амьтны хэлийг ойлгож, тэдэнтэй харилцдаг болохоос өмнө утастайгаа ярих нь тодорхой болсон цаг үед амьдарч байгаа хэдий ч төгөлдөржиж арай амжаагүй байгаа билээ.
Гэхдээ санаа зоволтгүй, бидэнд хэрэв таны утас ярьж чаддаг байсан бол юу хэлэх байсан талаар сонирхолтой мэдээлэл байна.

 
1. “Өглөө сэртэл нүүр тань асуудалтай байвал үүнийг ашигла”  
Өглөө бостол таны нүүр дээр батга гарсан эсвэл дэрний мөр үлдсэн байвал “Beauty Face”аппликейшнийг ашиглан өөрийн зургаа мэргэжлийн будалт хийгдсэн мэт өө сэвгүй арьстай болгон янзлаарай.
Ямар цэвэрхэн, булбарай арьстай зурагтай болсноо хараад Та ч алмайрнадаа.

Continue Reading
Дэлгэрэнгүй »
Posted by at 09:52
Labels:

Тэд бидний тухай: Монголд гэрэлт ирээдүй бий юу?

09:48


66920c mongol ub x800
Орон орны хүмүүс мэдлэгээ хуваалцдаг Quora сайтад “Монголд гэрэлт ирээдүй бий юу?” гэсэн асуулт тавигдаж, түүнд нэгэн нэрээ дурдаагүй хүн хариулжээ.
Санал бодлоо бичсэн хүн нь Монголд амьдарч үзсэн гадаадын иргэн бололтой.
Ингээд түүний үзэл бодлыг орчуулан хүргэж байна.

Continue Reading
Дэлгэрэнгүй »
Posted by at 09:48
Labels:

2015-08-26

Нийгэм дэх хаос төлөв байдал

17:04

Нийгэм хаос шинжтэй байдаг бөгөөд энэхүү шинжийг зөөгч нь масс буюу ямар нэг хэмжээний олон түмэн байдаг ажээ. Олон түмний биеэ авч явах байдал, төрх байдал, аяг аашийн талаар талаар орчин үеийн Өрнөдийн сэтгэлгээнд З.Фрейд, Г.Лебоны сургаалд үндэслэсэн онолууд зонхилох байр суурь эзэлдэг. Эдгээр сэтгэгчдийн баримталж байсан зарчмын ач холбогдолтой өөр нэг санаа бол хувь хүн олонхид нэгдээд ирэхээрээ өөрийн өвөрмөц төрх байдлаа алдаж нийтийн психологид захирагддаг, ямар нэг бүлэг, хамт олонд харъяалагдсан хүн тэнд байгаа нийтлэг бодол санаа, сэтгэгдлээс чөлөөлөгдөж чаддаггүй гэсэн санаа байлаа.
Continue Reading
Дэлгэрэнгүй »
Posted by at 17:04
Labels:

2015-08-25

Түүх биднээр тохуурхаж байна

17:37


Түүх заримдаа бүхэл бүтэн ард түмэн, улс үндэстнээр, тэдний хувь заяагаар тохуурхан тоглодог. Ийм үзэгдэл түүхэнд олонтаа давтагддаг ажээ. Түүхэн их эргэлтийг хийхдээ ард түмэн нэгэнт үеэ өнгөрөөсөн бүхнийг таягдан хаяж, шинэ илүү давшингүй нийгэм, хөгжлийг зорилгоо болгон тэмүүлдэг. Гэтэл тодорхой хугацааны дараа тэдний өнөөх хүсэн хүлээж байснаас нь тэс ондоо үр дүн гарч, нийгмийг гүн шоконд оруулж, гайхшруулан алмайруулах нь бий. Түүхэн зүйн ийм үзэгдлүүдийг Гегель анзаарч ажиглаад “Түүхэн тохуурхал” хэмээн нэрийджээ. 
Яг ийм ТҮҮХЭН ТОХУУРХАЛ өнөө биднийг нөмөрсөн байна. Түүх биднээр тун адтай, хоржоонтой тохуурхаж байна.
Яаж тохуурхаж буйг хэдхээн зүйл дээр жишээ болгон тогтож үзье. Учир нь энэ тохуурхал улс төр, эдийн засаг, түүх, ёсзүй, гүн ухаан зэрэг маш өргөн хүрээг хамарсан үзэгдэл тул нэг нийтлэл төдийд базахад бэрхтэй.

-    Хүнд суртал: 1990 оны хаврын хүйтэн хахирган жаврыг сөрж монголчууд бид төрийн хүнд суртлын эсрэг жагссан, тэмцсэн. 1980-аад оны зогсонги үеийн төрийн аппарат дахь хүнд суртал нийгмийг бухимдуулж, өөрчлөлт шинэчлэлийн салхийг даллаж байв. Гэтэл өнөө тэр цагийн хүнд суртлаас хэдэн арав дахин илүү хүнд суртлын аппарат нэг л мэдэхэд бидний толгой дээр данхайчихаж ээ. Өнөө хүнд суртал ямар яршиг төвөгтэй байгааг тоочилтгүй, бүгдээр мэднэ.

-    Намжсан төр: 1990 оны хаврын хүйтэн хахирган жаврыг сөрж монголчууд бид намжсан төрийн эсрэг жагссан, тэмцсэн. Тухайн үед Монголын төр бол МАХН байсан. МАХН-ын Улс төрийн товчоонд төрийн бүхий л асуудлуудыг шийддэг байв. Захын суманд хүртэл Сумын МАХН-ын үүрийн товчоо сумын бүх ажлыг хянадаг, шийдвэр гаргахад чухал нөлөө, дарамт үзүүлдэг байв. Намын гишүүн болохгүй л бол хичнээн авьяас чадвартай байгаад ямар ч боломж олддоггүй байв. Бид энэ байдлаас гарахын төлөө тэмцсэн. 
Гэтэл өнөөдөр үзэл сурталжсан намаас хамаарсан төрийг холбилж чадсан ч түүнээс долоон дор олигархжсан намаас хамаатай төрийг нэг мэдэхэд бий болгочихсон сууж байх нь тэр. Өмнө үзэл суртлаар бүхнийг хянаж, цагдаж, түүнд нийцүүлдэг байсан бол өнөөдөр цөөнх олигархуудын эрх ашигт нийцүүлж, тэдний үзэмжээр төрийн ажил явдаг болсон. Үгүй ядаж л ямар нэгэн үзэл санаа байдаг бол арай дээр байхсан, олигархуудад өөрсдийнх нь эрх ашгаас өөр ямар ч үзэл санаа гэж байхгүй юм. Аль нэгэн намын гишүүн байж, тэр намдаа үхэн хатан харанхуйгаар зүтгэхгүй л юм бол төрд үнэнч шударгаар зүтгээд ер нь бараг л нэмэргүй, яагаад гэвэл нэг л өдөр аль нэг намын боловсон хүчин нэртэй хийрхэгч ирээд ажлыг чинь авна. Тиймээс төрд ажиллагсад өөрийн эрхгүй намжиж, намчирхаж эхэлнэ. 

-    Хэвлэлийн эрх чөлөө: 1990 оны хаврын хүйтэн хахирган жаврыг сөрж монголчууд бид хэвлэл, мэдээллийн эрх чөлөөний төлөө жагссан, тэмцсэн. Нэг намын үзэл суртлыг түгээн дэлгэрүүлсэн, өөр бусад үзэл бодлыг хавчин хяхсан тийм хэвлэл мэдээллийн орчинг шүүмжилж, олон ургалч үзэл чөлөөтэй өрсөлдөж байдаг хэвлэлийн эрх, эрх чөлөөг хүссэн билээ. 
Харин өнөөдөр монголын хэвлэл мэдээлэл, сэтгүүлчид нэн тодорхой эрх мэдэлтнүүд, улс төр-бизнесийн бүлэглэлд л үйлчилдэг болсон. Жишээ нь “Өдрийн сонин”-д Баабар, Элбэгдорж нарыг шүүмжилсэн ямар ч өгүүлбэр гарахгүй, “Өнөөдөр” сонинд С.Баяр, Н.Багабанди нарыг шүүмжлэхгүй. Харин тэдний эсрэг бүлэглэлийг бол газрын гаваар ортол нь муулна, шүүмжилнэ. ТВ, Радио ч мөн адил. Ийнхүү хэвлэл мэдээллийн хэрэгсэлүүд аль нэгэн мөнгөтэй, эрх мэдэлтэй бүлэглэлүүдээс шууд хамааралтай болж, тэдний хоорондын өрсөлдөөний талбар болж хувирснаар нийгэмд бодитой, голчтой мэдээлэл хүрэх боломж хомсдож, энэ нь нийгмийн талцлыг улам бүр дэвэргэх болсон билээ.
Сэтгүүлчид зөвхөн эздийнхээ хүсэлтээр хөлсөөр юм бичиж, амь зуудаг болсон. Нийгмээ үнэн бодит мэдээллээр хангах, соён гэгээрүүлэх сэтгүүлзүйн үндсэн үүргүүд хөсөр хаягдсан. Ингэснээр олон түмэн хэвлэл мэдээллийн хэрэгслээр чухам үнэн зөв мэдээллийг хүлээн авахад нэн бэрхтэй болсон байна. Бид хэвлэл мэдээллийн ийм эрх, эрх чөлөөг хүсэж хаврын тэр жаврыг сөрж жагсаагүй.

-    Хууль, шударга ёс: 1990 оны хаврын хүйтэн хахирган жаврыг сөрж монголчууд бид шударга ёсны төлөө, хуулийг гууль болгодог бурангуй явдлын эсрэг тэмцсэн, жагссан. Тэр цагт намын үзэл санаанд таараагүй бол, хэн нэгэн эрх мэдэлтэй том даргын сэтгэлд нийцээгүй бол шударга ёсыг үл тоох хандлага байсан. Гэвч өнөөдөр улс орон даяар шударга ёс алдагдаад зогсохгүй шударга ёс гэж юу байдгыг бүр мартах шахаж байна. Шударгаар явах гэж оролдох аваас энэ цагийн урсгалд хөл нийлэхгүй болж, адлагдан ад үзэгдэж, хавчигдаж, шахагдаж, тэр бүү хэл зарим тохиолдолд амь амьдралаараа хохирох болов. Шударга ёс хэрхэн гажсаныг маш энгийн зүйлээс анзаарч болдог. Замын хөдөлгөөний дүрмийн дагуу явж байсан нь байрнаасаа хөдлөхөд бэрх болоод, дүрэмгүй улайран дайрсан нь завшин явж болдог зовлонг замын хөдөлгөөнд оролцож буй жолооч бүр мэднэ. Энэ бол нийгэмд нийтдээ шударга ёсны мэдрэмж алдагдсаны нэг тод илрэл юм. Хуучин цагт буюу БНМАУ-ын үед орон даяар 160 гаруй хууль тогтоомж хэрэгжиж, хуулийн хэрэгжилт 96 хувьтай байжээ. (Энэ тоо ихээхэн эргэлзээтэй, гэвч их хэтрүүллээ гэхэд 10 хувиас хэтрээгүй.) Гэтэл өнөөдөр Монгол Улсад 900 гаруй хууль тогтоомж байгаа ч хэрэгжилт нь 50 хүрэхгүй хувьтай. Хуучин цагт хууль гууль болох явдал байсан бол одоо хууль зүгээр л хогийн шарилж болж хувирсан. “Хуулийг зөрчих гэж гаргадаг юм” гэсэн хачин сонин аксиом энэ хорин жилд гарсан билээ. 
Шүүх засаглал захиалгаар үйлчилдэг болов. Хэн төр, шүүх засаглалын эрх мэдлийг авна, түүнд үйлчилдэг шүүх засаглалтай болж хувираад байна. Эцсийн эцэст Монголын шүүх засаглал эрх мэдэл, эрх ашиг, их орлогын төлөө улайран тэмцсэн улс төр-бизнесийн бүлэглэлүүдийн бие биенээ намнах хэрэгсэл болж хувираад байна. Энд шударга ёсны тухай ямар ч ойлголт байхгүй болно. 

-    Авилгал: 1990 оны хаврын хүйтэн хахирган жаврыг сөрж монголчууд бид авилгалын эсрэг тэмцсэн, жагссан. Тэр цагт авилга авдаг байж, гэхдээ тэр цагийн авилга 45-ын гутал, их сайндаа 100 төгрөг байв. Тэр үед Ардын хянан шалгах хороо, Намын хянан шалгах хороо гэж хоёр аймшигтай газар байсан ба энэ хоёр аймшгийн газрын хараанаас мултарч авилга авна, өгнө гэдэг амаргүй байжээ. Харин одоо авилгад бүхэл бүтэн уурхайн орд газар, бүхэл бүтэн Яамны сайдыг өгдөг болсон. Ерөөс авилга ямар түвшинд болсныг олон зүйл нуршилтгүй бүгдээр мэднэ. Авилгын индексээрээ бид дэлхийн улс орнуудыг хойноосоо манлайлдаг. МАН-ын үед 30 хувьтай байсан авилгал АН-ын үед 40 хувьд хүрснийг олон бизнес эрхлэгчид халаглан ярих болов.

-    Хэлмэгдүүлэлт: 1990 оны хаврын хүйтэн хахирган жаврыг сөрж монголчууд бид үзэл бодлоосоо болж хэлмэгдэхийн эсрэг жагссан, тэмцсэн. Тэр үед чөлөөт үзэл бодлоосоо болоод хэлмэгдэж, ажил албагүй болж, хөдөөгийн суманд жолооч, малчнаар цөлөгдөж, шорон оронд хүртэл хоригдох явдал байсан. Гэхдээ хавтгай биш, тоолбол хэдэн зууд ч хүрхээргүй байв. Гэхдээ л бид үүний эсрэг тэмцсэн юм. 37 оны их хэлмэгдүүлэлтийг эргэн харж, цагаатгахын төлөө жагссан. 
Харин өнөө нэг нам засгийн эрхэнд гарангууд сөргөлдөгч намынхныгаа ажлаас нь хэдэн мянгаар нь хомроглон халж, өөрийн намынхнаа тавьдаг болсон. Дараагийн сонгууль болж нөгөө нам нь сонгуульд ялбал хариугаа хэзээ ч дутуу авахгүй бүр давуулж авдаг болсон. Энэ явдал төрийг хүчгүйдүүлж, төрийн мэргэшсэн, туршлагажсан албыг улс төрийн тоглоом болгож хувиргасан. 
90-ээд оноос хойш хэрэгжсэн чөлөөт өрсөлдөөн нэртэй ч “Өрсөж булаа” гэсэн далд уриа, зарчимтай увиагүй өрсөлдөөний үр дүнд монголын балчир үрс хэдэн мянгаараа гудамжинд гарч, охид бүсгүйчүүд хэдэн мянгаараа янхан болж, залуус мянга мянгаараа гэмт хэрэгтэн болж, хэдэн зуун мянган монгол хүн, өрх гэрүүд ядуурлын аймшигт хавцал руу хийсэн амь, амьдралаараа хэлмэгдсэн билээ. Ядуурал, бусармаг сэтгэлгээ хэтэрсэнээс үүдэн хэдэн зуун мянган үрс эхийнхээ хэвлийд ирт мэсэнт хирчүүлэн хороогдон хэлмэгдсэн билээ. Хамгийн аймшигтай хэлмэгдүүлэлт бол шударга ёсонд, сайн үйлд итгэсэн хүмүүний сэтгэл зүрх гутаагдан доромжлогдож, хэлмэгдсэн явдал юм. Хорин жилд монголд хамгийн эрчимтэй баригдсан бүтээн байгуулалт бол шорон байдаг бөгөөд энэ хугацаанд төсвийн зардлаар 20 шорон шинээр баригдсан бол төсвийн зардлаар сургууль, цэцэрлэг, эмнэлэг хэд баригдсаныг тоолох гэтэл олдоогүй болно.  

-    Тусгай хангамж, алагчлал: 1990 оны хаврын хүйтэн хахирган жаврыг сөрж монголчууд бид сайд дарга нарын тусгай хангамжийг эсэргүүцэж, ард түмнээ алагчилдагийг өөрчлөх гэж жагссан, тэмцсэн. Тэр үед дарга нар гялалзсан хар өнгөтэй Волга 24, Чайка унадаг байв. Ард түмэн Москвич, 21 унадаг байв. Тэр үед дарга нар тусгай хангамжийн бараа бүхий дарга нарын дэлгүүрээр үйлчлүүлдэг байв. Ард түмэн 45-ын гутал, халуун савны запасны төлөө дэлгүүрт дугаарладаг байв. Дарга нарын хүүхдүүд муу сурдаг ч гадаадын их дээд сургуулийн хувиарыг авчихаад (гэхдээ дандаа биш) байдаг байв. Дарга нар Сайд нарын II эмнэлгээр үйлчлүүлдэг байв. Ард түмэн нэгдсэн эмнэлгүүдээр үйлчлүүлдэг байв.
Гэтэл өнөө дарга нар нисдэг тэрэг, онгоц унадаг болсон. Гэхдээ үүнд чанарын ялгаа их бий. Хуучин цагт дарга нар голчлон хар тэрэг унаад төрийн ажил хийдэг байсан бол өнөө дарга нар нисдэг тэрэг унаад хувийн зугаа цэнгэл, ан гөрөө хийдэг болсон. Олигарх дарга нар, түүний эхнэр хүүхдүүд монголд өвөл ирж, Улаанбаатар утаандаа хахаж цацах цагаар халуун дулаан орон руу нүүдлийн шувууд шиг нисэж, төрөөс, татвараар дамжуулан ард түмний халааснаас хулгуулсан их мөнгөөрөө авсан хэдэн зуун мянгын тансаг хаузуудад тухлан амарч аваад хавар болж цаг дулаарахад буцаад нисээд ирдэг болов. Ард түмэн утаан дотроо хахаж цацаж, чанарын баталгаагүй хоол хүнсээр эрүүл мэндээ сүйтгүүлж байхад дарга нар, олигархууд Майми бийчид усанд шумбаж, Хонолулугийн эрэг орчимд завиар уралдаж, Макао, Сөүлийн казинод хэдэн зуун мянган доллараар тоглож суудаг болсон. Ард түмэн нэгдсэн эмнэлгүүдэд ор хүрэлцэхгүйгээс коридорт нь эгнэн, цэргийн казармид байгаагаас ч дор нөхцөлд шахцалдан эмчлүүлсэн нэртэй ядаргаа, стрессийн туйлд орж байхад дарга нар Тайландын нэг удаагийн үзлэг нь хагас саяын үнэтэй эмнэлгийн  хаалгаар хэдэн талаасаа дэмнүүлэн ярвайсхийн орж явах. 
Төрөөс жил бүр багагүй хэмжээний зардлыг монголын залуусыг гадаадад их дээд сургуульд сургахаар гаргадаг ч тэр зардал ихэвчлэндээ дарга нар, баячуудын хүүхдүүдэд ногдож, тэдгээр эрхийн тэнэгүүд тэнд очоод сурсан ч юмгүй зугаалж наргиж аваад, эцэс сүүлд нь түмэн олондоо тус болох нь бүү хэл төрсөн биедээ ч нэмэр болох юм сурсангүйгээр барахгүй төрд буцаагаад төлсөн ч юмгүй гол гаргах нь олон болж... (Сайн суралцсан, үр бүтээлтэй ажил хөдөлмөр хийж яваа залуус бий ч тэд цөөнх юм шүү.)

-    Тусгаар тогтнолын баталгаа: 1990 оны хаврын хүйтэн хахирган жаврыг сөрж монголчууд бид тусгаар тогтнолоо улам бүр баталгаатай болгохын төлөө, “Москвад найтаахад Улаанбаатарт ханиад хүрдэг” улс төрийн болоод эдийн засгийн хэт хараат байдлаас ангижрахын төлөө жагссан, тэмцсэн. Тэр үед монголын эдийн засаг хойт хөршөөс 81 хувь, монголын улс төр бараг бүрэн хараат байв. Монголын улс төрийн бодлого Кремлд боловсорч, түүнийг сөрсөн монголын улс төрчид нэг нэгээрээ хойно учир битүүлгээр нас барж байв. 
Гэтэл өнөөдөр монголын тусгаар тогтнол үндэстэн дамнасан олон улсын корпорациудаас шууд хараат байдалтай болсон байна. Тэд их мөнгөөр монголын эрх мэдлийг атгаж буй улс төрчдийг, улс төрийн намыг худалдан авч, өөрсөддөө ашигтай хуулийг парламентаар гаргуулах боллоо. 
Монголын газар нутгийн 70 гаруй хувь нь лиценз нэрээр хувь хүмүүсийн эзэмшилд нэгэнт орсон ба тэдгээр хувьд гарсан газар нутгийн эздийн 70 гаруй хувийн цаана гадаадын, ихэнхдээ өмнөд хөршийнхөн байгаа нь манай тусгаар тогтнолд ноцтой аюул занал учруулж байгаа хэрэг юм. Мөн манай эдийн засгийн 86 хувь нь өмнөд хөршөөс, гэхдээ ганц Эрээний боомтоос шууд хамааралтай болж хувирсан.  С.Зориг, О.Дашбалбар, М.Зэнээ, О.Энхсайхан, Ж.Наранцацралт зэрэг шударга ёсны төлөө тууштай тэмцэгч олон улс төрчид мөн л учир битүүлэг байдлаар хорвоогоос хальсаар байна. 
Тусгаар тогтнолын нэгэн нэн чухал баталгаа болдог үндэсний эв нэгдэл өнөөдөр тун эргэлзээтэй болов. Үзэл санаа, концепцийн өрсөлдөөн бус аль нэг намыг мухар сохроор дагасан утга учиргүй хийрхэл ард түмнийг хоёр талцуулж, насаараа нэг жалганд амар жимэр хаяа хатган суусан хоёр хөгшнийг хүртэл нэг нэгнийхээ босгыг алхуулахгүй болтол нь талцуулж байна. Нийгмийн дотор баян ядуугийн ялгарал хол зөрөөтэй болж, баячууд нь ядуусыгаа арчаагүй, залхуу, боловсролгүй хэмээн ад үзэн шоовдорлох, ядуучууд нь баячуудыгаа шунахай, луйварчин, дээрэмчин гэж үзэн ядах сэтгэл зүй хэдийнэ бүрэлдэж бий болсон байна. 
Үлгэрлэвэл бидний тусгаар тогтнол нэг чонын өмнө байсан бол одоо олон чонын өмнө оччихсонтой адил болжээ. Энэ байдлыг анзаарсан Оросын судлаач С.Балмасов “Монголчууд ийм байдлаар үргэлжилбэл тун удалгүй Хятадын нэг муж болно гэж мөрийцөхөд ч бэлэн байна” гэжээ. 

-    Үзэл суртлын дарангуйлал: 1990 оны хаврын хүйтэн хахирган жаврыг сөрж монголчууд бид нэг үзэл суртлаас ангижирч, олон ургалч үзлийн төлөө жагссан, тэмцсэн. Хэт туйлширсан нэг үзэл суртлын дөнгөнөөс ч салж чадсан билээ. Гэвч бид олон ургалч үзэл бүү хэл бүр ямар ч үзэлгүй болж хоцров. Ядахдаа улс үндэстнийхээ хөгжлийн үзэл санаа, баримтлал ч үгүй болсон. Үзэл санаагүй нийгэм аяндаа өөрөө үжирч ганддаг юм. Бид наанаа өндөр өндөр байшин сүндэрлүүлж, өнгөлөг сайхан машинаар давхилдавч цаанаа ямар ч хөгжлийн тойм, итгэл, чиглэлгүй болчихжээ. Нэгэнт хөгжлийн тойм, чиглэлгүй болчихсон ард түмэн урьд өмнөхөөсөө бүр ч илүүгээр тун хялбархан тархиа угаалгаж, утга учиргүй туйлширч, намаараа талцан хагаралдах болов. 

-    Гадаадын мөлжлөг: 1990 оны хаврын хүйтэн хахирган жаврыг сөрж монголчууд бид ЗХУ болон бусад орнуудтай байгуулсан эрх тэгш бус зарим гэрээг (энд зориуд “зарим” гэж орууллаа. Гэрээ бүхэн эрх тэгш бус байгаагүй, манайд ашигтай гэрээ их олон байсан билээ) эсэргүүцэж жагссан. Монголчууд хөдөө аж ахуйн бүтээгдхүүнээ, байгалийн баялгаа хямд үнээр нийлүүлж байсныг шүүмжилсэн. Бид өөрсдөө ч мэдээгүй байтлаа 11 тэрбум шилжих рублийн өртэй болчихсон байсныгаа шүүмжилсэн. Гэтэл өнөөдөр тэр шүүмжилж байсан гэрээнээсээ хэдэн арав, зуу дахин ашиггүй гэрээг бид Оюутолгой, Тавантолгойн томоохон ордууд дээрээ байгуулчихсан, Ерөнхийлөгч нь “Одоо яая гэх вэ? Онгон охиноо хүнд өгсөн, одоо ямар ч арга байхгүй. Нэгэнт өнгөрсөн” гэсэн утгатай зүйл яриад сууж байх юм. Бид хуучин ЗХУ-д төлөх ёстой 11 тэрбумын төлбөр ялбараас олон жилийн шургуу гэрээ хэлцээ, тэмцлийн үр дүнд 98 хувийг нь хасуулж байж арай гэж цаана нь гараад эргээд хартал дахиад тийм хэмжээний өртэй болчихсон сууж байх юм. Энэ өр хорогдох биш улам бүр эрчтэй нэмэгдэж байгаа. 
Манай байгалийн баялгыг, хөдөө аж ахуйн бүтээгдхүүнүүдийг монгол оронд ямар ч үнэ цэнэгүйгээр хуу хаман цөлбөх үйл явдал сүүлийн жилүүдэд өрнөлөө. Өрнөсөөр л байна. “Бороо гоулд”-ыг жишээ болгон ярьдаг ч түүнээс үй олон уурхай, баялаг гадныхны гар хөл болсон цөөн хэдэн хүний халаасыг л зузаатгаад бусад хувь нь гадагшаа урсдаг урсгал хэвээр байна. 

-    Ил тод байх: 1990 оны хаврын хүйтэн хахирган жаврыг сөрж монголчууд бид эрх баригчдыг ил тод байхыг шаардсан. Эдийн засгийн хүндрэл бэрхшээлийг ил тод ярьж, элдэв гэрээ хэлцэл, өр зээл, аливаа шийдвэрээ ард түмэндээ илт тод болгохын төлөө жагссан, тэмцсэн. 
Гэтэл өнөөдөр ил тод байдал бүр үгүй болж, гадаадын томоохон компаниудаас санхүүждэг нам дамжсан бүлэглэлүүдийн хуйвалдаан далдын далд өрнөж, тэр хуйвалдаанаар ард түмний хувь заяа шийдэгддэг болсон. Эрх баригчид олон нийтийн мэдээллийн хэрэгсэлүүдээр үе үе мэдэгдэл хийж, ил тод царайлах авч, үнэн чанартаа жинхэнэ шийдвэр нууц хуйвалдааны үед л гардаг болсон. 
Хэдэн арван тэрбумыг завшсан хэргүүдийн тухай үе үе хэвлэл мэдээллээр шуугидаг ч тэгэсгээд нам гүм болж замхарсаар байна. Цөөхөн, тун цөөхөн хэрэг шийдэгдэж, эзэн холбогдогч нь ял авдаг ч шударга ёсны үйлчлэлээр гэхээсээ илүүгээр улс төр, эдийн засгийн бүлэглэлүүдийн тэмцлийн золиос болон шийдэгдсэн гэвэл илүү үнэнд нийцнэ. 
Амьд гэрчтэй, эд мөрийн баримттай С.Зориг агсны амь насыг хохироосон хэрэг өдий болтол хав дараастай байна. Асар их эрх мэдэл, эд хөрөнгөтэй, нам дамжсан хүчирхэг бүлэглэл цаана нь байгаагаас л өдий 15 жилийн турш чимээгүй байна. Ил тод байдлын тухай мөрөөдөх ч аюултай болсон биш үү. 

-    Үзэл бодлын чөлөөт байдал: 1990 оны хаврын хүйтэн хахирган жаврыг сөрж монголчууд бид үзэл бодлоо, үгээ чөлөөтэй илэрхийлэх, нэг нэгнийхээ үзэл бодлыг хүндэтгэн дээдлэх эрх чөлөөний төлөө жагссан, тэмцсэн. Тэр цагт үзэл бодлын маргаан нь зөвхөн нэг намын үзэл суртлын хашаан дотор л байж болдог, тэр хашаанаас нь гадуур өнгийж харах, соц үзэл сурталд эргэлзэх аваас хавчиж хяхдаг, пионер, эвлэл, намын хурлаар хэлэлцдэг, донгоддог, цаашилбал ажилгүй, сургуульгүй болгодог, цөллөг, шоронд илгээдэг байсан. Шүүмжлэл зөвхөн тэр соц үзлийн хашаан дотор өрнөж болдог, гэхдээ ажил хэрэгч, бүтээлч шүүмжлэл, ялангуяа ёс суртхууны аястай, бас аж ахуйн талын шүүмжлэлийг голдуу хүлээж авдаг, үр дүн ч гардаг байж. 
Харин өнөө бид соц үзэл суртлын хэвшмэл хашааг эвдэж, нурааж чадсан ч чухам буцаагаад ямар нэгэн үзэл санааны ул мөр, учирзүйн уг шалтгаан байхгүй, ардчилал гэдэг нэг сайхан эрх дураараа орилж болдог, гэхдээ бусдын орилохыг сонсож болдоггүй, тэвчиж ч болдоггүй, тийм харанхуй муйхар, үл тэвчих необольшевик маягийн хашаа хэрмийг барьж орхижээ. Өнөөдөр үзэл бодлоо чөлөөтэй илэрхийлэхэд тун осолтой. Хэрвээ таалагдахгүй бол шууд ирээд хутгалж ч мэднэ. Ёс суртхууны тухай шүүмжилбэл өмнөөс ямар ч ёс суртхуунгүйгээр шууд нулимна. Хариуцлагын тухай ярьвал “Хариуцлага гэж юу билээ” гэж гайхна. Ямар нэгэн учир зүйтэй маргаан, нотолгоо үзэл санааны өрсөлдөөн гэж байхгүй, зүгээр л газрын гавруу ортол нь харааж зүхэж, нулимж, тэр шүүмжилсэн хүнээ хүнийх нь хувьд үгүй болгож, дотоод ертөнцийнх нь хувьд харанхуй мунхагаар бурангуйлан дарж авах гэж оролдоно. Зарим тохиолдолд ажилгүй сургуульгүй болгож, зарим тохиолдолд их мөнгөөр амыг нь барих гэж оролдож, бүр зарим тохиолдолд хөлсний алуурчнаар шууд л алуулна. Эсвэл санамсаргүй автын осолд орно. Бидний явж буй зам мөр, ардчилал маань гажсан байна, түүнээ эргэн харж засах хэрэгтэй тухай ярихаар ардчиллын эсрэг үзэлтэн байна, ардчиллын дайсан гарч ирлээ, буцаад коммунизмаа байгуулах гэлээ гэж хийрхэнэ. Энд ямар ч наад захын ёс зүй байтугай наад захын учир зүй, мэдлэг ч байхгүй. Ийм л “дураараа байж болдог, гэхдээ бусдын эрхийг, үзэл санааг үл тэвчдэг, мэдлэггүй, тэнэгдүү, бүдүүлэг, анархи эрх чөлөө”-ний төлөө бид 1990 онд тэмцээгүй билээ. Ийм харилцан түлхэлцдэг, сөрөг цэнэгтэй анархи бөөмсүүдээс бүрдсэн нийгмийг зөвхөн задрах хувь тавилан л хүлээж байдаг. 

Ийнхүү түүх биднээр, монголчууд биднээр тохуурхаж байна. Гэхдээ тун хоржоонтой гашуунаар тохуурхаж байна. Түүх яагаад, ямар тохиолдолд тохуурхдаг юм бэ? Үгүй бол түүх дандаа ийнхүү тохуураад байдаг юм уу? Үгүй юм. Түүх ганцхан тохиолдолд л ард түмнээр тохуурхдаг. 
Ийм дотроо эв нэгдэлгүй, тодорхой үзэл баримтлалгүй, үндэсний бахархалгүй болчихсон, түрүүнийхээ бөөсийг толгой дээрээ гаргаад залчихсан ард түмнээр түүх тохуурхдаг юм.
Эв нэгдэлтэй, эрдэм мэдлэгтэй, эрмэлзэх зорилготой, түүнээ тойрон эрх ашгаа нэгтгэж чаддаг ард түмнээр түүх хэзээ ч тохуурхаж байгаагүй, чаддаг ч үгүй билээ.

Б.Номинчимэд
Continue Reading
Posted by at 17:37
Labels:

Монгол зан

15:30

 Сая миний хуурай дүү шинэ жилийн бэлэг болгож суут Инжинашийн “Хөх судар”-ын гурван ботийг бэлэглэв. Аль эрт уншаад мартаж орхисон юмаа эргэн уншихад нэлээд эртний нэгэн сургамжит явдал санаанд орж түүнийгээ олонд хүргэхээр шийдэв.

Инжинашийн сургааль

Эхлээд Инжинашийн “Хөх судар”-т юу гэсэн тухай өгүүлье. Тэнд:

ü  “Үзтэл манай Монгол газрын мууг гаргаж тоочвоос тэргүүнд: газар орон нь шороон хөрсгүй, салхи дэгдвээс шар хумаг хийсэн дэгдэж, тэнгэр газар нийлмүй, Бас уул нь оройгүй, хад нь үндэсгүй. Хаврын шуурганаа улайтал шуурч, өөр газарт давшин эчмүй.
ü  Хоёрдугаарт: Усан урсгалгүй, зуны хурын ус ч битүү нуур тунамалд хурмуй.
ü  Гуравдугаарт: Цагийн амьсгал нь хүйтэн жихүүн.
ü  Дөрөвдүгээрт: Нарны ээлт хол, алс, цас хяруу эрт, үр жимс ургахгүй,
ü  Тавдугаарт: Хүний идэх нь мах цус, сүү, тос,
ü  Зургадугаарт: Өмсөх нь арьс хөрс, нэхий унгас,
ü  Долдугаарт: Хүний зан нь хэдүй чигч шулуун боловч сэтгэл нь атгагхагтай, зан нь цухал, явдал нь цөлс (хянамж болгоомжгүй, цочмог түргэн гэж редактор тайлжээ-Х.Д.Г), санаа нь битүү
ü  Наймдугаарт: төрөх нь (аж төрөх нь-Ред) түгдэг тагдаг, харанхуй бурангуй, хэлэлцэх нь хэрцгий догшин, оморхог бардам.
ü  Есдүгээрт: байдал нь болхи бүдүүлэг, сүрхий муухай, явдал нь огт бод бат үгүй, тэнэг омгорхог баахан байвч урт хол зүрх сөс үгүй.
ü   Аравдугаарт: хүч маш сайн бөгөөтөл өнө удаан зориг тамиргүй.
ü  Арван нэгдүгээрт: Ёслол дүрэм, цээр ичгүүр хэмээгчийг нэгмөсөн мэдэхгүй.
ü  Арван хоёрдугаарт: хэдүй уул талын араатан жигүүртэн ба хүн амьтны морь мал нь боловч догшин долгин, зэрлэг тэрс.
Энэ мэтэд, одоо чухам энэ өмнө тивийн тэргүүн нэгэн авшгүй гээгдсэн газар бөгөөд хүн нь мөн болшгүй жигшмээртэй. Тэргүүн нэгэн худалч бардам, цөлс, итгэлгүй амьтан буюу. Тийнхүү манай энэ тэнэг мунхаг Монгол, үнэхээр хүний доторх адгуус мэт үнэнээр ч маш жигшүүртэй хүн бөгөөд биеэс нь адгуус хонь ямааны үнэр гарч, салхин доор өнгөрсөн хүн бөөлжин цухалдмуй, үнэхээр халж (хэлж ?) баршгүй зэвүүрэлтэй муухайн туйлд хүрсэн нь бус уу?.

Суут Инжинаш ингэж хэлсэн юм. Тэр монгол хүнээ ингэж муулаад өнгөрсөн юм биш л дээ. Тэр цаашаа: “Тийн атал, үүний дотор харин арван ангийн сайн гайхамшигтай газар амуй, нэг нэгээр тайлан гаргахыг сонс” гэж байгаад агуу сайхан Монгол орноо, монгол хүнээ магтан дуулсан байдаг юм. Суу ухаан гэж үүнийг л хэлдэг байх. Харин тэр магтсаныг нь Та нар өөрсдөө “Хөх судар”-аас олж үзнэ биз…

Би ойлгохдоо чухам энэ “муулсан” хэсгийг нь бид онцгой анхаарч, ухаарч сэхээрэх ёстой гэж санана. Муулах ч гэж дээ, яг үнэнийг хэлсэн байгаа юм. Ганц Инжинаш биш л дээ, суут Данзанравжаа ч бас л ингэж хэлж байсан…

Надад тохиолдсон онигоо

Энэ явдал арав гаруй жилийн өмнө Ерөнхийлөгчийн зөвлөх Б.Даш-Ёндонгийн өрөөнд болсон юм. Бид монгол ёс заншлийн холбогдолтой нэг хурлын бэлтгэл хангах зөвлөгөөн маягийн юм хийж байсан юм. Гэтэл Б.Даш-Ёндон багш “Хөх судар”-ын яг энэ хэсгээс “явдал цөлс, цөлх” гэдэг үгийн утгыг асуудаг юм байна. Өөрөө мэдэхгүй байгаа юм биш л дээ. Биднийг өдөж байгаа хэрэг. Би ч яахав, “Монгол Менталитет” өгүүллээ бичих гээд чамгүй их материал цуглуулж, тэрийгээ эвлүүлж амжаагүй, тэгэхдээ “онолын ланжгар” бэлтгэлтэй байсан үе юм. Шууд л дайраад орчихлоо доо…

Ингээд хурлын бэлтгэлийн асуудлыг монгол хүний мөн чанарын асуудал болгож “онолын хэрүүл” болгон хувиргав. Би л оройлон манлайлж, гал асаагаад байгаа хэрэг шүү дээ…

Сүүлдээ Б.Даш-Ёндон багш “Та нар хэрэлдэх газраа очиж хэрэлд” гэж биднийг өрөөнөөсөө хөөн гаргав. “Онолын” маргаан коридорт, улмаар манай өрөөнд үргэлжлэв. Нэг ийм онигоо болсон юм.

Ер нь бол манай хурал сайн болсон. Мөн миний “Монгол менталитет” өгүүлэл нэлээд сайн болж, гадаадын хэд хэдэн хэлэнд орчуулагдсан. “Хэрүүл” хийсний ач шүү дээ. Сүүлд Б.Даш-Ёндон багшийн хэд хэдэн сайн өгүүлэл гарсансан…
Одоо энэ явдлыг бодохоор миний инээд хүрдэг юм. Гэхдээ Инжинашийн сургааль байн байн бодогдом бөлгөө…

Одоо

Одоо ч гэсэн монгол хувь хүн Инжинашийн хэлснээс онц их өөрчлөгдөөгүй. Шалгаад үзье. Инжинаш монгол хүнийг монгол газар нутагтай нь хамт шинжилсэн боловч ялган үзвэл монгол хүнийг 7-12 дугаар зүйлдээ авч үзсэн. Суут Инжинашийн монгол хүний талаар хэлснийг ялгаж аваад ар талд нь орчин үеийн шинжлэх ухааны түгээмэл нэр томъёо харгалзуулан тавихыг оролдоод үзье.

7 дугаар зүйлд: хүний зан чигч шулуун. Гэхдээ сэтгэл нь атгаг, явдал нь цочмог, санаа нь битүү. (хувь хүн төлөвшөөгүй, нийгэмшээгүй)
8 дугаар зүйлд: түгдэг тагдаг, харанхуй бурангуй, хэлэлцэх нь хэрцгий догшин, оморхог бардам. (соёлгүй, бүдүүлэг, иргэншээгүй)
9 дүгээр зүйлд: байдал нь болхи бүдүүлэг, сүрхий муухай, явдал нь огт бод бат үгүй, тэнэг омгорхог баахан байвч урт хол зүрх сөс үгүй. (эрхэмлэлийн системгүй, үнэт зүйлгүй)
10 дугаар зүйлд: хүч маш сайн бөгөөтөл өнө удаан зориг тамиргүй. (чиг зорилгогүй, эрхэмлэлийн системгүй, идэвхигүй)
11 дүгээр зүйлд: ёслол дүрэм, цээр ичгүүр хэмээгчийг нэгмөсөн мэдэхгүй. (иргэншээгүй, бүдүүлэг, соёлгүй)
12 дугаар зүйлд: авшгүй гээгдсэн газар бөгөөд хүн нь мөн болшгүй жигшмээртэй. Тэргүүн нэгэн худалч бардам, цөлс, итгэлгүй амьтан буюу. (тэнэг бөгөөд дүүрсэн худалч)

Ингээд бид Инжинашийн тодорхойлолт орчин үеийнхтэй шууд “таарч” байгааг маш хялбар аргаар мэдэж авлаа. Би энд маш товч, хялбаршуулсан аргаар тайлбарласан боловч Та бүхэн цааш дэлгэрүүлэн ухвал үй түмэн утга салаалан гарах нь ямар ч эргэлзээгүй…
Ухаандаа миний “Монгол менталитет”-аас цааш судалгаа хийж, ном өгүүлэл бичиж болно биз дээ. Худлаа чалчаад байхынхаа оронд…

Одоо асуулт үүснэ. Өөрсдийнхөө тэнэг гэдгийг нотолсноор Та яах гээд байгаа юм ?! Харин эндээс чинь л хамаг зөв юм гарч ирнэ ш дээ…
Яагаад гэвэл өөрийгөө ухаантай гэж бодсон тэнэгээс илүү аймшигтай юм энэ хорвоод байдаггүй юм…
Судлаач Х.Д.Ганхуяг.

Эх сурвалж: ganaa.mn 


Continue Reading
Posted by at 15:30
Labels:

МОНГОЛ МЕНТАЛИТЕТ

15:11


Манайхан улс орноо ингэж ч, тэгж хөгжүүлэх хэрэгтэй гэж ярихдаа маш “сайн”. Харин үүний тулд монголынхоо нийгмийг сайтар судлах ёстойг голдуу “мартана”. Улс төрийн өгүүллүүдийг бол жигтэйхэн “сайн” ойлгоно, харин шинжлэх ухааны өгүүллийг бараг “тоохгүй”. Одоо энэ гажгийг өөрчлөх цаг болсон. Иймээс нэлээд эрт бичсэн боловч одоо ч чухал хамгийн шилдэг хоёр өгүүллээ давтан нийтлэхээр шийдэв. Гадаадад орчуулж уншаад байхад манай Монголд уншихгүй байж болмооргүй. Учир нь би гадаадынханд зориулж бичээгүй. Өөр бичих “юм” надад маш их байна, гэхдээ л Та бүхэн шинжлэх ухаанаас эхлэх ёстой гэж санана. Энэ удаа Та бүхнийг уншина гэж найдаж байна. Ингээд эхний өгүүлэл…
Аливаа улс үндэстний түүх хөгжиж ирсэн нөхцөл байдал, газар зүйн орчин зэрэг нь өөр өөр байдаг нь түүнийг бусдаас ялгаатай үзэл бодол зан үйлийн хэвшмэл шинжтэй болгодог байна. Yүнийг нийтлэг байдлаар үндэстний менталитет хэмээх ойлголтод багтаан үздэг.
Continue Reading
Дэлгэрэнгүй »
Posted by at 15:11
Labels:

iPhone-д зориулагдсан ОНЦЛОХ 9 ХЭРЭГСЭЛ

12:04

iPhone ухаалаг утсыг улам бүр ашигтай, олон зориулалттай төхөөрөмж болгоход нэмэлт хэрэгслүүд шаардлагатай.
Тэгвэл сүүлийн үед хүмүүсийн анхаарлыг татаад байгаа дараахь есөн дагалдах хэрэгслийг танилцуулж байна.
 

iBlazr $50. Гар утасны камераар мэргэжлийн түвшинд фото зураг авахад дутагддаг нэг зүйл бол гэрэл. Утасны өөрийнх нь флаш гэрэл хангалттай биш байх тохиолдол бий. Тэгвэл iBlazr энэ дутагдлыг нөхөхөөр бүтээгдсэн. Чихэвчний оролтод залгаад ашиглаж болно.
BiteMyApple сайтад $49.99 үнээр зарагдаж байгаа.
Continue Reading
Дэлгэрэнгүй »
Posted by at 12:04
Labels:

2015-08-24

Дэлгэрэнгүй »
Posted by at 18:19
Labels:

Дэлхий хөгжиж байхад Монголчууд юу хийж байсан бэ?

17:16


13-р зууны сүүл үед Флоренцын Данте Алигери, Франческо нар зохиолоо бичиж, Бондоне уран зургаа зурж Алдарт Европын Сэргэн мандалтыг эхлүүлэн Европчуудад ухаарал гэгээрлийг авчирч байв. 

Харин Монголчууд энэ үед юу хийж байсан бэ ? Монголчууд Бээжингээс хөөгдөж байлаа.

14-р зууны үед Европт Сэргэн мандалт хүчээ аван улам сэргэж байсанаас гадна Англид гэхэд хуулийн тогтолцоонд шинэчлэлт явагдан Заншилын хуульд цэг тавигдан Нийтийн эрх зүй үйлчилж эхэллээ. Хааны шүүх шударга ёсыг авчирч байсанаас гадна хааны дэргэдэх хуульчидын ур чадвар асар хурдацтай сайжирч байсанаас гадна. Европын далайчид (Х.Колумб , Гама гэх мэт) Шинэ Тив , Шинэ Газар нутаг , Шинэ ертөнцийг нээж байлаа.

Харин Монголчууд энэ үед юу хийж байсан бэ? Монголчууд хоорондоо алалцсаар байв.

15-р зуунд Суут зураач , барималч , уран барилгач, аугаа сэтгэгч , эрдэмтэн , зохион бүтээлч , математикч , антомич , Одон оронч алдарт Леонардо Винчи төрөн Алдарт Жокондагаас гадна өчнөөн нээлт хийж , Европ нь үйлдвэр худалдаа , соёл урлагын төв болсоноос гадна Дундад зууны боловсролын уламжлалаас татгалзан , Одоогийн нэр хүндтэй Их сургуулийн суурийг тавьж байв. Европын далайчид Шинэ Тив , Шинэ Газар нутаг , Шинэ ертөнцийг нээсээр л байлаа.

Харин энэ үед Монголчууд юу хийж байсан бэ? Монголчууд хоорондоо алалцсаар байв.

16-р зуунд Галилеи одон орон судлаж , Шекспир зууны туршид яригдах учиртай зохиолуудаа бичиж , Исаак Ньютон 26 настайдаа Кембрижийн их сургуулийн профессор болсоноос гадна алдарт "Ньютоны биномоо" зохион , интеграл, дифференциал тоололыг нээж , нарны туяаг задалж, спектрийн нууцыг тайлсанаас гадна бvх ертєнцийн таталцлын хуулийг нээсэнээс өөр өчнөөн нээлт хийж байлаа. Европын далайчид Шинэ Тив , Шинэ Газар нутаг , Шинэ ертөнцийг нээсээр л байв.

Харин энэ үед Монголчууд юу хийж байсан бэ? Монголчууд Ойрад, Халх, Өвөр гэж хуваагдан хоорондоо алалцсаар байв.

17-р зуунд Адам Смит эдийн засгийн онолоо боловсруулж , Үл үзэгдэх гарын тухай томъёолон, Ёс суртахуун мэдрэмжийн онолоо бичиж , Үндэсний баялагаа туурвин , Давид Рикардо Хувиарлалтын сонгодог онолоо туурвиж байв. Европын далайчид Шинэ Тив , Шинэ Газар нутаг , Шинэ ертөнцийг нээсээр л.....

Харин энэ үед Монголчууд юу хийж байсан бэ? Монголчууд хоорондоо алалцсаар ядарсан ба Халх , Өвөр Монгол нь нэгэнт Манжийн Вассал болсон байв. Харин үлдсэн ганц Ойрадууд буланд шахагдсаар.

18-р зуунд Европт Аж Үйлдвэрийн Хувьсгал явагдан амьдралд автоматжуулсан үйлдвэрүүд нэвтрэн бүх зүйлийг гар аргаар хийдэг бүдүүлэг үе нэгэнт ард хоцров. Үүнтэй зэрэгцэн Жеимс Ватт гэх мэт зохион бүтээгчид уурын энергийг гаргаж аван амьдралыг улам хөнгөвчилж байв. Цэрэг армийн шинэ тогтолцоо , шинэ зэвсэглэл хүч эрх мэдлийн илэрхийлэл болов. Европын далайчид Шинэ Тив , Шинэ Газар нутаг , Шинэ ертөнцийг бас л нээсээр л.....

Харин Монголчууд энэ үед юу хийж байсан бэ ? Тэнэг юм шиг Лам нарт мөргөн , сүсэглэх ба тэдний хоолыг бэлдэнэ харин нөгөөдүүл нь ярзайтлаа таргалсаар л ...........

19-р зуунд Дэлхийд шинэ эрин үеийхэн төрөн гарч , дэлхийн бодлогыг тодорхойлж , Их Британы эзэнт гүрэн мэндэлсэн ба буцаад мөхөж Эйфелийн цамхаг сүндэрлэж , Эрх чөлөөний хөшөө босож , Дарвин хувьсал , эволюцын онолоо эргэцүүлж , анатоми судлаж , Сербиэс гаралтай Николой Тесла Радио , Электрик Моторыг өөрийн лабортордоо нээж , дэлхийг орвонгоор нь өөрчлөх өчнөөн нээлт хийсэн хэдий ч зарим нь нууцлагдаж , Александр Грахам Белл анхны утсыг бүтээж , Самуел Морс телеграф болон морсын кодыг зохиож , Алфред Нобел динамитыг үндэслэж , Томас Эдисон гэрлийг бүтээж Европ нь улам л гэрэлтэж , гялалзаж , гялтганаж байлаа.

Харин энэ үед Монголчууд юу хийж байсан бэ ? Монголчууд дөнгөж агуйгаасаа гаран нарны гэрлийг гайхан , дэлхий ертөнцийг алмайран ширтэж байв.

20-р зуунд Америкт Холбооны Мөрдөх Товчооныхон (FBI) цуутай гэмт хэрэгтнүүд болох Дилленжер , Хөөрхөн хүү Флойд нарыг мөрдөн , Холливүүд кино гарган , Кино театруудаар нэвтpүүлж байв. Эдийн засгийн онолд хувьсгал авчирсан Кеинс өөрийн онолоо боловсруулж , Шумберт , Автралийн Сургуулийнхан эдийн засаг бодож байлаа. Газар зүйн нээлт явагдсаар Хойд Туйл хүрч байлаа. 

Дэлхий ертөнцөд эдийн засгийн их хямрал нүүрлэж  , Хувьсгал , Дайн , Төрийн эргэлт , Геоницид Дэлхийн 1 , 2-р дайнаар амьсгалж Капиталист , Социалист лагерт хуваагдан , Хүйтэн дайнд нэрвэгдсэн хэдий ч энэ бүхэн ард хоцорч найрамдан Даян дэлхийд энх тайваныг зарлав.

Харин энэ үед Монголчууд юу хийж байсан бэ ? Монголчууд дөнгөж усанд орж , шүдээ угаадаг , ор дэрний цагаан давуу хэрэглэж сурч байлаа. Ааа бас Орос хэл сурсан юм байна. Гэхдээ их марзан Монгол хэлний араас СКИЙ залгаж л сурсан Би ажиллааский , Би унтааский , Орой болооский , Хичээл хийгээский нэг иймэрхүү л сурсан.

21-р зуун боллоо. Дэлхий ертөнц Марс гаригыг судалж , Саран дээр өмнө нь хөл тависан хэдий ч дэлгэрэнгүй судалж , Гариг ертөнцийг судлан , Сансарт пуужин нисгэж , Генийн кодийг өмнө нь тайлсан ч улам нарийвчилан , Робот бүтээсэн ба түүндээ зориулсан хуулийг хэлэлцэж , нанотехнологоор юмсыг хийж , хиймэл оюун ухааныг амьдралд нэвтрүүлэх гээд л байдаг

Харин Монголчууд энэ үед юу хийж байна вэ ? Авилгал авсан үгүй аваагүй гэж хэрэлдээд л , Их хурал дээр ширээ дэрлэн унтаад л , талцаж хор найруулаад л , ард иргэд нь хоорондоо хөлөө жийлцээд л , мухар сүсэг нийгмийг нөмөрч , тэнэгдүү ард түмэндээ таарсан мангардуу засгийн эрх баригчидтай бие , биендээ таарсан , хэн хэнийгээ хэлэлтгүй дүндээ дүн.................. (ёоооё бүүр толгой өвдчихлөө) Хийсэн юм байгаа л даа ОЙМС , ЭСГИЙ ТААВЧИГ хийсэн л дээ ! сайн байсан гэхдээ......

Хөөе цаана чинь Шинэ Гариг , Шинэ Технологийн тухай яригдаад байна ! дахиад Агуйгаасаа гарч ирмээр байна уу?

22-р зуунд муу золигнуудыг хаана яаж хөгөө чирэх болоо гэж бодохоор шөнө нь нойр хүрэхгүй юм.


АМАДДАЙ

http://www.baabar.mn/
Continue Reading
Posted by at 17:16
Labels:

Элон Маск: Ирээдүйг бүтээгч нэгэн

13:43
Элон Маск: Ирээдүйг бүтээгч нэгэн

Канад болон Америкийн бизнесийн магнат, зохион бүтээгч, хөрөнгө оруулагч Элон “Рийв” Маск нь 1971 оны 6 сарын 18-нд Өмнөд Африкт төрсөн. Тэрээр SpaceX-ын CEO болон CTO, мөн Тесла Моторсын CEO болон бүтээгдэхүүн загварчлалын захирал юм. Мөн SpaceX, PayPal Inc., Тесла Моторс болон Zip2-ынүүсгэн байгуулагч, хөрөнгө оруулагч юм. Бас Hyperloop хэмээх өндөр хурдтай тээвэрлэлтийн системийн загварыг урьдчилан гаргасан онцгой нэгэн билээ.
Continue Reading
Дэлгэрэнгүй »
Posted by at 13:43
Labels:

Гүйцэтгэх захирлуудын урам авдаг 10 хүн

13:42
Гүйцэтгэх захирлуудын урам авдаг 10 хүн

Олон хүмүүс өөрийн компанийг үүсгэн байгуулах, аль эсвэл ямар нэгэн компанийн гүйцэтгэх захирал болох хүсэл эрмэлзэлтэй байдаг ч цөөн хэдэн нь л өөрийн уp чадвараараа оргилд нь хүч чаддаг билээ. Харвард Бизнесийн сургуулийн судалгааны багынхан Гүйцэтгэх захирлуудыг цуглуулан тэднээс “Өөрсдийнх нь бодлоор ямар  чадвар нь тэднийг амжилтад хүргэхэд чухал үүрэг гүйцэтгэдэг вэ?” хэмээн асуусан байна.

Continue Reading
Дэлгэрэнгүй »
Posted by at 13:42
Labels:

Хэрэглэгчдийн утасны паттерн 123456-аас ялгаагүй хялбархан байдаг

13:26
Хүн төрөлхтөн анх үүсэхдээ цоожгүй байж гэнэ. Агуйд амьдарч, урц барьж эхэлсэн цаг үеэс амьтад болон бусад өөртэйгөө ижил төрлийн амьтдаас өөрийн эд хөрөнгийг хамгаалах шаардлага тулгарчээ.
Гэтэл насанд хүрэгчид, хөгшид ердөө л цагаан толгойн үсэг хийх нь элбэг байдаг аж
Ингээд хамгийн анхны цоож гэж хэлж болох зүйлсийг эртний Ассирчууд бүтээсэн гэж үздэг юм байна. Гэрээ цоожилж эхэлсэн хүн төрөлхтөн өөр олон зүйлсийг цоожлох хэрэгтэй гэдгийг ухаарсаар нэг л мэдэхэд та бид бараг бүх зүйлийг цоожилдог болжээ.
Continue Reading
Дэлгэрэнгүй »
Posted by at 13:26
Labels:

2015-08-22

Монгол руу аялахаас татгалзах ДЭНДҮҮ ҮНЭН 27 ШАЛТГААН

12:53
Buzzfeed сайт дээр хэд хоногийн өмнө нэгэн сонирхолтой фото мэдээлэл нийтлэгджээ. "Монгол руу аялахаас татгалзах дэндүү үнэн 27 шалтгаан" хэмээх гарчигтай энэ мэдээллийг уншмагц гарчиг нь ердөө л хошигнол болохыг ойлгоно.

ИНГЭЭД ТЭДНИЙ ХОШИГНОЛЫГ ФОТО ЗУРГИЙН ХАМТ ХҮРГЭЕ
6aabeb 1 x800

1
Жаргах нарны зураг авах гэж байхад өмнүүр чинь зэрлэг адуунууд байнга л садаа болно
Continue Reading
Дэлгэрэнгүй »
Posted by at 12:53
Labels:

2015-08-21

Сонирхолтой YouTube хэрэглээнүүд

09:32
855ae4 youtube logo x800
YouTube видео сүлжээнд ашиглаж болох зарим сонирхолтой боломжуудыг танилцуулж байна.

Видеоноос GIF үүсгэх

Үзэж байгаа видеоныхоо URL-ын youtube.com гэсэн үгний өмнө “GIF” гэсэн гурван үсгийг бичихэд GIF үүсгэх горимонд шилжинэ.
Жишээ: “www.youtube.com/watch?v=….” URL-ыг “www.gifyoutube.com/watc…” болгон өөрчлөөд энтер дарна.
Ингэсний дараа үүсгэх GIF файлынхаа урт, эхлэх цэгийг зааж, нэр өгөн үүсгэх боломжтой.

Видеон дотор тоглогдож байгаа хөгжмийг таних

MooMa.sh сайт нь яг Shazam шиг хөгжмийг таних үйлчилгээ, гэхдээ зөвхөн YouTube-д зориулагдсан. URL-ыг нь хуулаад сайтын цонхонд оруулахад видео дотор явж байгаа дуу хөгжмийг таньж мэдээллийг харуулна.
Ямар нэртэй, ямар цомогны, хэний зохиосон дуу гэх мэт.

Видеоноос дууг нь MP3 болгон хувиргах

Peggo.co сайтын цонхонд дурын YouTube видеоны URL-ыг оруулахад аудио бичлэгийг нь MP3 файл болгон хувиргана.

ikon.mn

Continue Reading
Posted by at 09:32
Labels:

About Us

Recent

Random