2015-11-27

“Хар Баасан гараг” гэх нэрийн учир

12:28


Америкт “Хар Баасан гараг” гэгддэг өдрийг Талархлын баярын дараах Баасан гараг гэж үздэг ба Зул сарын баярыг хүртэл үргэлжилдэг томоохон худалдаа наймааны улирлын эхлэл юм. Талархлын баярын өдөр нь жил бүрийн 11 дүгээр сарын дөрөв дэхь Пүрэв гараг байдаг.
Харин “Хар” гэх болсон шалтгааныг хоёр янзаар тайлбарласан байдаг аж.
Эхнийх нь тайлбараар, хуучин цагт худалдаа, наймаа эрхлэгчид жилийн ихэнх хугацаанд буюу нэгдүгээр сараас арваннэгдүгээр сар хүртэл алдагдалтай ажиллаж байгаад зөвхөн Талархлын баяраас эхлээд Зул сарын баярыг дуустал хугацаанд жилийн гол ашиг орлогоо олдог байжээ.
Үүнийг нягтлан бодох бүртгэлдээ тэмдэглэхдээ алдагдалтай өдрүүдийн үр дүнгээ улаан бэхээр, ашигтай өдрүүдийнхийг хар бэхээр бичдэг байсан гэнэ. Тиймээс Талархлын баярын дараах Баасан гарагаас эхлэн бүртгэл нь хар бэхээр бичигддэг байсан тул “хар Баасан гараг” гэх болсон байна.
Хоёр дахь тайлбарт дурдсанаар бол энэ Баасан гарагт худалдаа наймаа нэмэгдэж, дэлгүүрүүдийн ачаалал нэмэгддэг байсан тул энэ үеэр ажиллаж байгаа дэлгүүрийн ажилчдад хүнд буюу хар өдөр болдог байсантай холбоотой гэнэ.

Эх сурвалж: ikon.mn
Continue Reading
Posted by at 12:28
Labels:

$5-ын компьютер дэлхийн хамгийн хямд бас жижиг нь

12:25

Raspberry Pi компани маш жижигхэн, бас маш хямд компьютер гаргажээ.
Raspberry Pi Zero нэртэй энэ компьютерын үнэ ердөө 5 ам.доллар. Үзүүлэлт нь тун сайн, 1GHz процессор, 512MB RAM, 1080p HDMI дэлгэцийн гаралт нь 60 фрэйм/секунд чадалтай.
Өөр дээрээ тогтмол хадгалах санах ойгүй ч Micro SD картны үүртэй тул хэрэглэгч өөрийн хүссэнээр тоноглож болно.
Харьцуулж үзвэл 2010 онд гарч байсан iPhone 4 утас нь ижилхэн 512MB RAM-тай гарч байсан ч 800MGHz процессортой байжээ.
Энэ бяцхан хавтанг ашиглахын тулд дэлгэц, хулгана, гар залгахад л болно. Өөрөө Linux үйлдлийн системийн Raspbian хэмээх хувилбартай үйлдвэрлэгдсэн байдаг гэнэ.
Ингэхэд л ердийн дэсктоп компьютер болно гэсэн үг юм.
Бас хэрэглэгч нь үүнд олон төрлийн мэдрэгчүүд залгаж програмчлаад гэрээ тоноглож “ухаалаг гэр”-тэй болж болно.
Тус компаний гүйцэтгэх захирал Эбен Аптон “бид бүтээгдэхүүнийхээ үнийг дөрвөн аяга Латтены үнээс нэг аяга Латтены үнэнд хүргэлээ” гэжээ.
Continue Reading
Дэлгэрэнгүй »
Posted by at 12:25
Labels:

2015-11-16

ОНЦЛОХ БИЗНЕС: THEMETON - ДИЖИТАЛ КОНТЕНТЫГ ДЭЛХИЙД ТҮГЭЭГЧ

18:13

Монголоос дэлхийд бүтээгдэхүүн гаргана гэж хэн хүнгүй ярих болсон ч олон улсын зах зээлд бүтээгдэхүүнээ амжилттай нийлүүлсэн бизнесүүд харьцангүй цөөн байгаа билээ. Харин дижитал контент, аутсорсингийн чиглэлээр үйл ажиллагаа явуулдаг Themeton олон улсын зах зээлд тун амжилттай яваа компани юм. Өөрсдийн бүтээгдэхүүнийг 10000 гаруй удаа борлуулаад байгаа уг компанийг өнөөдөр Unread онцолж байна. Сонирхолтой баримт дурдахад нэрний утга нь theme буюу өнгө аяс, загвар, ton буюу маш ихээр гэсэн утгатай юм байна лээ.

Бизнесийн нэр: Димтон ХХК
Хаяг: 13-р хороолол, Ногоон төгөл хотхоны 74-р байранд
Үйл ажиллагааны чиглэл: Дижитал контент, аутсорсинг
Үүсгэн байгуулагдсан хугацаа: 2011 оны 1-р сар
Үүсгэн байгуулагчид: Г.Балжинням, Д.Пүрэвцоож
Ажилтны тоо: 8
Вэб: www.themeton.com, www.themeforest.net/user/themeton
Бүтээгдэхүүний үнэ: 12$-аас 64$ хооронд
Continue Reading
Дэлгэрэнгүй »
Posted by at 18:13
Labels:

2015-11-13

Ганц биечүүдийн өдрөөр хятадуудын хийсэн наймааны дүн

11:12

Жил бүрийн 11 дүгээр сарын 11-нийг Хятадад Ганц биечүүдийн өдөр (анти-Валентиний өдөр) хэмээн тэмдэглэж онлайн худалдааны том хямдрал зохион байгуулагддаг болжээ.
Уржигдарын баяраар онлайн худалдааны аварга Алибаба 91.2 тэрбум юань ($14.3 тэрбум)-ийн борлуулалтыг 24 цагийн дотор хийснээ зарлалаа.
11-ний өдрийн хагаст тэд ноднингийн $9.3 тэрбумын борлуулалтаа даваад байсан юм.
Алибабагийн гол өрсөлдөгч JD.com сайт 32 сая барааны захиалга авснаа зарласан ч борлуулалтын хэмжээг мэдээлээгүй байна.
JD.com тухайн өдрийн худалдаа эхэлсэн 00:00-01:00 цагийн хооронд 230,000 хавтгай дэлгэцтэй телевиз зарсан нь секунд тутамд 60 телевиз болж байгаа юм.
Нийт худалдааны 70 хувь нь гар утаснаас хийгдсэн бөгөөд гар утасаар худалдан авсан барааны дүн 62.6 тэрбум юань ($9.8 тэрбум) болсныг Алибаба мэдээлжээ.
Мөн Алибабагаас хамгийн их худалдан авалт хийсэн бараа нь хүүхдийн бараа байсан гэнэ. Түүний дараа Nike пүүзнүүд болон Levi’s жинснүүд хамгийн их зарагджээ.
Хятадын гар утас үйлдвэрлэгч Xiaomi энэ өдөр нийтдээ 1.25 тэрбум юаний ($196.3 сая) борлуулалт хийсэн байна.
Тэд энэ удаа Apple TV-гийн өрсөлдөгч Mi Box 3 хэмээх телевизэд холбодог ухаалаг төхөөрөмжөө анх удаа зарсан бөгөөд худалдаа эхэлсэн эхний есөн минутанд 10,000-ыг зарсан амжилт үзүүлжээ.

Эх сурвалж: ikon.mn
Continue Reading
Posted by at 11:12
Labels:

2015-11-11

Алибаба 90 минутанд Америкийн “Cyber Monday”, “Black Friday”-ийг хамтад нь гүйцлээ

09:18

Хятадад болдог онлайн худалдааны хамгийн том үйл явдал болох Ганц биечүүдийн өдрийн эхний 90 минутанд Алибаба $5 тэрбумын борлуулалт хийж шинэ дээд амжилт тогтоолоо.
Энэ бол өнгөрсөн жилийн Америкийн “Хар Баасан гараг“, “Кибер Даваа гараг” нэртэй хамгийн том хямдралтай наймааны өдрүүдийн борлуулалтын нийлбэр дүнтэй тэнцэх үзүүлэлт.
Өнгөрсөн онд Ганц биечүүдийн өдрөөр Алибаба нийт $9.3 тэрбумын борлуулалт хийсэн нь түүний өмнөх жилийн $5.8 тэрбумаас хол давсан үзүүлэлт байлаа.
Харин энэ жил Алибабаг $13.7 тэрбумын наймаа хийнэ гэж IDC таамаглажээ.
Ганц биечүүдийн өдөр бол “анти-Валентины өдөр” гэсэн агуулгатай баярын өдөр бөгөөд 20-иод жилийн өмнөөс тэмдэглэх болсон юм.
Жил бүрийн 11 сарын 11-нд болдог энэ өдрөөр маш олон дэлгүүрүүд бараандаа хямдрал зарлаж худалдаа наймаа оргил цэгтээ хүрдэг гэнэ.

Эх сурвалж: ikon.mn
Continue Reading
Posted by at 09:18
Labels:

2015-11-10

Бид яагаад өөрчлөгдөхгүй байна вэ?

11:20


 5 жилийн өмнө нийтлэгдэж байсан нийтлэл. Ямар ч ахиц гарсангүй. Улам л дордож байх шиг. Үүний учир шалтгаан яг юунд байна?


Соён гэгээрэл буюу оюун ухааны хөдөлгөөн гэж юу вэ?

Өнөөгийн Монголд хэт газар аваад буй улс төржсөн байдал, эрх мэдэл, эд хөрөнгөнд хязгааргүй тэмүүлсэн шунал, олон түмний үл мэдэхүй дээр тоглодог аугаа сэтгэгчид, бидний өөрсдийн аж төрж буй байдал энэ бүхэн нь “соён гэгээрэл гэж юу вэ” гэсэн асуудлыг сөхөн тавьж, дахин авч үзэхэд хүргэж байна. Энд цэцэрхээд, хэт уран гоё үгээр хөөцөлдөх шаардлагагүй. Энэ нь энгийн бөгөөд тогтчихсон тодорхойлолттой үзэгдэл. Соён гэгээрэл гэдэг бол 17-18-р зууны үед Европт гарсан оюун санааны хөдөлгөөн. Энэ хөдөлгөөн Бурхан, оюун ухаан, хүн гэх мэт уламжлалт сэдвүүдээс гадна урлаг, философи, улс төрийн талаар урьд өмнө байснаас шал өөр, хувьсгалт агуулга бүхий тайлбар хийдэг байж. Товчоор хэлэхэд, мухар сүсэг, хязгааргүй эрх мэдэл, зүй бус байдлыг оюун ухаан, хүлцэн тэвчихүй, тэгш үйлчилдэг хуулиар халж өөрчлөх хөдөлгөөн байсан юм. 

Энэ хөдөлгөөний үндсэн утга санааг Монголын хувьд авч үзэх юм бол шашин, мухар сүсэг, түүхийн хоосон бахархал, онгирон сагсуурах явдал, залхуурал, худал цаг болзож, хоосон амлах, өөртөө биш улстөрчдөд хэт итгэдэг байдлаа физик, хими, математик, компьютерийн мэдлэг, нийгэм-хүмүүнлэгийн ухааны шүүмжлэлт сэтгэлгээ, үндэсний өв уламжлал ба түүхэндээ хандах бодит хандлага, хэлсэндээ байх чанар, нам, улс төрийн хүчинд биш өөртөө итгэх итгэлээр сольж, иргэд өөрсдийгөө амаар биш ажлаараа харуулж, хувь хүний бие даасан байдалтай болох хэрэгтэй байна. Энэ бүхэн нь соён гэгээрэл болно. 

Энэ хөдөлгөөний төлөөлөгч болж олон томоохон сэтгэгч ном бүтээлээ туурвиж байсны дотор Жон Локкийн Засаглалын тухай хоёр шашдир (монгол хэл дээр орчуулагдаж буй), Монтескьюгийн Персийн захидлууд, Хуулийн амин сүнс (монгол хэл дээр орчуулагдсан), Вольтерын Эрх чөлөөтэй байна гэдэг юу гэсэн үг вэ?, Кандид (мөн орчуулагдсан), Ж.Ж.Руссогийн Урлаг ба шинжлэх ухаан, Эмиль, Дидро, Жан д’ Аламбер нарын удирдаж бүтээсэн 28 боть Нэвтэрхий толь, Адам Смитийн Үндэстний баялаг (орчуулагдсан), И.Кантын Цэвэр оюун ухааны судалгаа, Жэрэми Бэнтамын Ёс суртахуун ба хууль ёсны зарчмуудын удиртгал бүтээлүүд нь хүн төрөлхтний мэлмийг нээсэн юм. 

Дээрх бүтээлүүдийн аль нэгнээс ганц хуудсыг ч болов анхааралтай уншихад хэчнээн гүнзгий агуулгатай, бидний хувьд ямар ач холбогдолтой зүйлс болох нь мэдрэгддэг. Эдгээр бүтээлийг өнөөгийн манай “их сэтгэгчдийн” бүтээлтэй харьцуулан үзмээр байгаа юм. Манай “их сэтгэгчид” Монголд ингэж харьцуулдаг хүн байхгүй, харьцуулах гэж оролдсон ч чадахгүй, харин миний хэлж буй зүйл - “Чингис; Хөх тэнгэр; Азийн цээжин дэх аугаа ард түмэн; Дэлхийд байхгүй Монгол үндэстэн; Хосгүй ухаант монгол хүн” гэсэн үгнүүд эдний тархи толгойд илүүтэй бууна (үнэндээ бол илүү таалагдана) гэдгийг мэдчихээд ард түмнээр тоглож байдаг. Шүүмжлэлт, рефлектив сэтгэлгээнээс хол эдгээр хүмүүс цаагуураа Монгол Улс, Монголын иргэдийг хорлогчид мөн. Мэдээж, санаатай хорлоогүй байх. Гэхдээ өөртөө эргэлзэх сэтгэлгээ дутмагийн улмаас бяд муутай зүйлд хэт итгэхээр үл барам бүхэл улс-үндэстнийг тэр зам уруу чирэх гэж оролдож байна. Тэгэхээр энэ талаас нь авч үзэх юм бол соён гэгээрэл гэдэг бол ийм хорлонт үзэгдлийг олж хараад зайлсхийх чадвар болно.

     Соён гэгээрэл ба Монгол

Кантын хэлснээр өнөөдөр Монголд “Мөнгө [бас эрх мэдэл. Зох.] байхад бодож сэтгэх хэрэг юун, энэ яршигтай ажлыг бусад хүн л хийнэ биз. Бодоод байх юмгүй, тушаал биелүүл; Бодоод байх юмгүй, татвараа төл; Бодоод байх юмгүй, сүсэглэж бишир” (И.Кант Соён гэгээрэл гэж юу вэ?) гэх хүмүүс маш их болжээ. Монголчууд бид хэдий болтол шашны мухар сүсэг, хэдэн зууны өмнөх байлдан дагуулал, нүүдлийн соёл иргэншил гэсэн ямар ч ач холбогдолгүй зүйлсээр бахархсаар байх юм бэ!
Ярьж буй сэдэвтэй холбогдуулан хэлэхэд, Монголд хуурамч соён гэгээрүүлэгчид олширчээ. Үнэхээр юм мэдэх; Юм мэддэг юм шиг харагдах гэдэг бол тэс өөр үзэгдлүүд. Хоёр дахь төрлийн чанарыг эзэмшсэн хүмүүс захаас аван тааралдах болж. Ийм хүмүүс гудамжинд төдийгүй Монголдоо оюун санааны төв болох ёстой МУИС-д маш олноороо шигж. МУИС-ийн Нийгэм, хүмүүнлэгийн ухааны салбарын магистр, докторын ажлын хүрээнд хийгдэж буй судалгааны ажлын сэдвүүдийг хараарай. Энэ сургуульд байгаа тэнхимүүдийг хар. МУИС-д “Нүүдлийн соёл иргэншлийн тэнхим” гэсэн тэнхим байдаг. Гудамжинд чалчиж явдаг “цайны сэхээтнүүдийн” бахархал. Англиар бол “Nomadic Civilization” гэх нь байна. Ядахад “нүүдлийн соёл”, “нүүдлийн аж төрөх ёс”, бүр том үг хэрэглэмээр байгаа бол “нүүдлийн нийгэм” хэмээн томьёолж болоогүй юм байх даа. Civilization (соёл иргэншил) гэдэг бол үгийн этимологиороо ч, цаад үндсэн утгаараа ч суурьшилтай холбоотой гэдгийг университетийн төвшинд л ойлгоогүй байна шүү дээ. Үнэхээр харамсаж, халагламаар. 

Бид соён гэгээрэлд тун бага хамрагдсан ард түмэн учраас ямагт нэгнийхээ, тэр тусмаа олны дунд нэр нь түгсэн хүний амаар явж, хэлсэн үгэнд хуурагдаж байдаг. Ялангуяа сургаар алдаршсан улстөрчдийн амыг харах нь нэн их. Гэтэл тэд биднээсээ дээрдэх юмгүй, харин ч муу чанараараа илүү учраас тэгж гудихгүй худал ярьж, худал амлачихаад хэнэг ч үгүй байж чадаж байгаа юм гэсэн бодол хэний маань ч толгойд ордоггүй. 

И.Кант Соён гэгээрэл гэж юу вэ? гэсэн асуулт тавьж түүнийхээ хариулт болгон нэгэн эссэ бичсэн байдаг. Түүнийхээр “гэгээрэл гэдэг бол юм мэддэггүй, харанхуй мохоо, бусдын үгээр явдаг байдал (онцлов. Зох.), оюун санааны түгжигдмэл байдлаас гарах гарц” юм. Юм мэддэггүй, ном уншдаггүй, уншихаас залхуурдаг, ээдрээтэй өгүүлбэрээс зайлсхийдэг хүмүүс бол нэг ёсондоо сохор хүмүүс л гэсэн үг. Тэгвэл энэ хүмүүс соён гэгээрэлд хамрагдах хэрээр хараа орж, хүнээр хөтлүүлж явахаа болино.

Соён гэгээрэл ба хувь хүн 

Тийм ээ, манай нийгмийг Вольтерын хэлснээр “жамаараа яваа ертөнц” хэмээн тодорхойлж болох л байх. Манайх шиг шилжилтийн ороо бусгаа үедээ яваа улсад аль л болж бүтэхгүй хулгайч, дээрэмчин, залилан мэхлэгч, увайгүй юмнууд хождог нь жам. Гэхдээ яваандаа цэгцэрч таарна. Гэсэн ч “арай хэтэрлээ”, “энэ нь нэг юманд хүргэнэ шүү” гэсэн бодол төрөөд байх юм. Үүнээс үүдээд соён гэгээрлийг улс төртэй холбон хэдэн үг хэлье. 

Соён гэгээрсний үндсэн шинж бол хувь хүний бие даасан байдал юм. Давтан хэлэхэд, мэдлэггүй харанхуй хүн ямагт бусдын үгээр явдаг. Олонхыг дагадаг, сүргээсээ салж чаддаггүй хүмүүс бол соён гэгээрээгүй хүмүүсийн үндсэн шинж. Улс төрийн нам гэсэн нэг заваан үзэгдэл байна. Энэ нь сүрэглэгсдийн сэтгэхүй дээр гарч ирдэг зүйл. Нам дагасан “улаан, цэнхэр, ногоон тугнууд” бол хувь хүмүүс биш. Коллективистууд. Тэд бие даан, ганцаар байхаас ямагт айна. Нам гэдэг бүлэглэл түүнийг ямар ч гэмт хэргээс хаацайлна, намтай байхад зүгээр сууж байгаад мөнгө олно хэмээн ойлгодог учраас хувь хүн байхаас татгалзаж байна. Одоо өөрийгөө хамгийн ухаантай, зоригтой гэж боддог хүмүүс хүртэл намаас гарах, намын дэмжлэггүй болохоос үхтэлээ айж байна. Болохгүй болохоороо “нам дотроо нам” байгуулцгаадаг. Нам гэдэг нь ийм олиггүй шинж чанартай байгууллага гэдгийг ойлгодог байсан учраас Томас Жэффэрсон намыг “хуйвалдагсдын үүр” гэж байсан юм. 

Ардчилал гэдгийг долоон буудлын Долгор эмээ болон энэ улс төржсөн залуус, ер нь иргэд маань юу гэж ойлгоод ингэтлээ шүтээд байгаа юм, мэдэхгүй. Энэ бол бас л коллективист үзэгдэл. Мэдээж, коммунизм шиг тоталитари үзэгдлээс хамаагүй дээр л дээ, гэхдээ жинхэнэ эрх чөлөөг эрхэмлэдэг хүмүүсийн хувьд ардчилал нь “олонхын дарангуйлал”, өөр юу ч биш. К.Менкений хэлснээр ардчилал бол “хоёр чоно, нэг хонь өглөөний хоолондоо юу идэх талаар санал хурааж байгаагаас өөрцгүй зүйл” (Энд нэг хонио өглөөний хоолонд идэх санал давамгайлах нь тодорхой). Айн Рэнд Магтуу (Anthem) зохиолдоо үзүүлснээр хамгийн үл бүтэх юмнууд “ардчилал”, “тэгш эрх” гэсэн уриа лоозун хашгичиж байна. Энэ хашгичаан дунд хувь хүний эрх байнга зөрчигдсөөр байна. 

Соён гэгээрэл гэдэг бол хувь хүн нийгэмд улс төрийн төдийгүй бусад бүх утгаараа оршин байх бололцоо. Соён гэгээрүүлэх хөдөлгөөний оршил нь гуманизмын хөдөлгөөн байсан. Дундад зууны үед “хувь хүн юу ч биш” хэмээдэг байж. Гуманизмын хөдөлгөөн нь хувь хүн бол “юу ч биш нь биш” гэдгийг анх харуулсан юм. Тэр үед Мишель Монтэнийн бичсэн эссэнүүд хувь хүнийг дээдлэх суурийг тавьж өгчээ. Гуманизм нь анхнаасаа л хувь хүнийг шашин, төрөөс хараат бус хэмээн үзэж байлаа. Хувь хүнийг дээдэлсэн гуманизмгүйгээр Дахин сэргэлт, Соён гэгээрүүлэл хоёрын алийг ч төсөөлөх аргагүй. 

Монголчууд бид соён гэгээрснээр шашин, түүх-уламжлал, улс төрийн мухар хар сүсэг, “их сартваахиудын” хуурамч суртлын нөлөөнөөс салж, өөрөө өөрийгөө авч явах чадвартай хувь хүн болно гэдгийг либертари үзэл бидэнд байнга сануулж байна.

Философийн ухааны доктор Б.Батчулуун

http://www.news.mn/
Continue Reading
Posted by at 11:20
Labels:

2015-11-09

Л.Энхсайхан: ​Ё.Отгонбаяр эх орончдоор сонгуулийн сурталчилгаа хийх ёсгүй!

17:42
Өнгөрсөн 9 дүгээр сард УИХ-ын гишүүн Ё.Отгонбаярын “Монголын тусгаар тогтнолын товчоон”гэдэг цувралын тухай нэлээд урт шүүмж (http://www.ikon.mn/n/k7t) гарсан байв. Уг шүүмжинд боть бүрээс жишээ татан оруулж уг номыг “ном дүрст, түүхэн зохиол нэртэй хогийн цуглуулга” хэмээн дүгнэсэн байна лээ. Гэхдээ энд би тэртээ тэргүй дүгнэгдчихсэн цувралын тухай биш сайд асан эрхэм гишүүн яагаад гэнэт мундаг түүхч болчихов? гэдэг асуудлыг хөндөхийг зорилоо.
Сүүлийн жилүүдэд нэг хэсэг хүмүүс мөнгөний төлөө түүхэн нэртэй номонцорууд гаргаж байхад нөгөө хэсэг нь түүх ашиглан өөрийгөө өргөмжлүүлэх, сонгуульд өрсөлдөх замаа засах, улмаар өөрийнхөө хар мөрийг нуухыг оролдох болов. Тэр үйлдэл нь бүр ил цагаандаа гарч түүхэн зүтгэлтнүүдийг жалга довоор нь хувааж Монголын түүхэнд шинэ ангилал оруулаад зогсохгүй, өөрөө үзмэрч домчдын хэмжээнд хүрлээ.


Дээрх “Монголын тусгаар тогтнолын товчоон” гэдэг цуврал бол хоёрдахь хэсэг нь буюу түүхээр бамбай хийгчдийн сонгодог жишээ юм. Энэ номыг та бүтнээр уншаад ч хэрэггүй. Зохиогчийн бичснээр жинхэнэ “архинд хөлчүүрэхсэн” мэт болно. Өнөөдөр та интернэтээс Отгонбаяр гэдэг хүний тухай хайгаад үз. Энэ оны зунаас өмнөх ихэнх мэдээллүүд сайд байхдаа хүн дарамталж гэнэ, тийм барилгаас тэдэн төгрөг идсэн байна, эхнэр нь хэдэн тэрбумаар нь мөнгө угаалаа гэх мэтчилэн хар бараан мэдээгээр дүүрэн. Харин өнгөрсөн зунаас хойшх мэдээллүүд нь гишүүн ном бичжээ, цахим хэлбэрээр борлуулагдаж эхлэлээ гэх мэтээр үргэлжилж улмаар “надтай холбоотой хэрэгт цэг тавьж өгөөч” (http://www.ikon.mn/n/k1v) гэх мэтээр өөрийгөө гэм буруугүй хэмээн зарлуулах болов. Эндээс ганц л зүйл тодорхой харагдаж байгаа нь түүхэн зүтгэлтнүүдээр бамбай хийн өөрийнхөө хар мөрийг баллахаар оролдож, цаашлаад сонгуульд өрсөлдөхөөр бэлтгэж байгаа үйлдэл нь юм.

Continue Reading
Дэлгэрэнгүй »
Posted by at 17:42
Labels:

2015-11-03

Internet.org Монголд нэвтэрч, хүн бүр интернет ашиглах боломжтой боллоо

13:33
Facebook компанийн санаачлан хэрэгжүүлж буй Internet.org төслийн хүрээнд Монгол улсад өнөөдрөөс Freebasics үйлчилгээ нэвтэрч байна. Энэхүү үйлчилгээний ачаар хэрэглэгчид өөрийн утсаар хамгийн энгийн хэрэглээ болох цаг агаар, мэдээ мэдээлэл, зурхай зэргийг үзэхдээ ямар ч төлбөр төлөхгүй юм.
Facebook-ийн Ази, Номхон далайн орнуудыг хариуцсан салбар Мобиком корпорацтай хамтран энэхүү үйлчилгээг нэвтрүүлж байгаа бөгөөд хэрвээ танд Мобикомын дугаар, интернет сүлжээнд холбогддог/wap ашигладаг утас ч хамаарна/ утас байхад л хангалттай.
Нэг судалгаагаар Монголчуудын 70 хувь нь байнгын интернет ашигладаггүй гэжээ. Ингээд Facebook-ийн Ази Номхон далайн бүсийн хамтын ажиллагаа хариуцсан захирал Анна Нюгрентэй хийсэн ярилцлагаа хүргэж байна.
Та бидэнд өөрийгөө танилцуулаач?
- Сайн байна уу, намайг Анна Нюгрен гэдэг. Facebook-ийн Ази, Номхон далайн бүсийн хамтын ажиллагаа хариуцсан захирлын албыг хашдаг. Манай Сингапур дахь салбар Facebook-ийн хэрэгжүүлж байгаа Internet.org төслийг Ази, Номхон далайн бүсийн орнуудад нэвтрүүлэх, улс улсын үүрэн телефоны газруудтай хамтрах зэрэг ажлыг хийдэг юм л даа.
Continue Reading
Дэлгэрэнгүй »
Posted by at 13:33
Labels:

2015-11-02

Хэрэглэсэн цайг өөр юунд ашиглаж болох вэ?

13:24
МЭӨ 2737 онд Хятадын эзэн хаан Шен Нан санамсаргүйгээр цайг нээсэн гэдэг. Тэрбээр нэг өдөр цэцэрлэгт хүрээлэндээ буцалсан ус уугаад сууж байтал хажуугийн бутнаас навч хийсэн аяганд нь орсон аж. Навч буцалсан усыг хандлан, эргэн тойронд сайхан үнэр түгээхийг анзааран, ууж үзтэл сайхан амттай болсон байж.
Continue Reading
Дэлгэрэнгүй »
Posted by at 13:24
Labels:

About Us

Recent

Random