NASA-гийн Lunar Reconnaissance Orbiter (LRO) хөлөг анх удаагаа Сарны гадаргын хаяанаас Дэлхий урган мандаж байгаа мэт гайхалтай гэрэл зургийг буулгасан байна.
Ийм гайхалтай дүр зургийг та зөвхөн Саран дээр амьдарч байгаа тохиолдолд л олж харж болох юм.
Гэхдээ сарны зөвхөн нэг тал нь дэлхий рүү хөдөлгөөнгүй харж байдаг тул үнэндээ Дэлхий мандах эсвэл жаргах үзэгдэл байхгүй.
Тиймээс та саран дээр амьдарвал, байрлаж байгаа газраас хамаараад тэнгэрт дэлхий маань тогтмол нэг газраа хадаастай байна гэсэн үг.
Гэхдээ дэлхийд амьдарч байгаа хүмүүст энэ зураг нь “Дэлхийн мандалт” гэсэн нэрээр илүү ойр тусаж байгаа тул ингэж нэрлэжээ.
Үүнээс өмнө 1968 онд Аполло хөлгийнхөн саран дээрээс дэлхийн зургийг буулгаж байсан юм. Тиймээс LRO-гийн буулгасан энэ зураг түүхэнд орох чухал дүрс.
Үнэндээ LRO нь сарны гадаргыг судлах нарийн төлөвлөгөөтэй ажилладаг, ийм зураг олон удаа буулгаад байх боломжгүй байдаг тул энэ зураг ховорт тооцогдож байгааг NASA мэдээлжээ.
Эх сурвалж: ikon.mn
