Өчигдөр Facebook компаний төв оффис дээр болсон уулзалтын үеэр Марк Зукерберг удаан яригдсан “dislike” товчийг гаргахаар бэлдэж байгаагаа дуулгалаа.
“Дислайк товчийг хүмүүс олон жил хүсэн хүлээж байгаа. Өнөөдөр харин бид үүн дээр ажиллаад эхэлсэн, удахгүй гарна гэдгийг мэдэгдэж байна” хэмээн Зукербег ярьсан байна.
Гэхдээ тэд үүнийг ямар нэг эсрэг санал өгдөг хэрэгсэл болгох хүсэлгүй байгаа тул хэрхэн дизайн, хэлбэрийг нь зохиох талаар нухацтай бодож байгаа юм байна.
Харин “like” дарахаас өөрөөр санаа бодлоо илэрхийлэх хэлбэр гэж харж байна. Тухайлбал ямар нэг эмгэнэлт явдал дээр “like” дарах нь зохимжгүй боловч өөр сонголтгүй байгаа.
Зукерберг “Хүмүүсийн илэрхийлэхийг хүсч байгаа зүйл бол “санаа зовох, харамсах”. Үйл явдал бүр сайхан байдаггүй шүү дээ” гэжээ.
Яг хэзээ “dislike” товч гарах нь тодорхойгүй ч тун удахгүй гэж тэр хэллээ.
Эх сурвалж: ikon.mn
