IKON.MN
АНУ-ын үүрэн холбооны оператор Verizon удахгүй 5G технологийг нэвтрүүлнэ. Энэ тухай тус компаний мэдээллийн технологийн гол архитектор Рожер Гурнани өнгөрсөн долоо хоногт өгсөн ярилцлагандаа дурджээ.
Verizon 12 сарын хугацаанд багтаж туршилтын 5G сүлжээг ажиллуулж эхлэх бөгөөд 2017 он гэхэд зарим үйлчилгээгээ нэвтрүүлэх гэнэ.
Энэ салбарынхны тооцоолж байсан 5G сүлжээ 2020 оноос наашгүй гэдэг ойлголтыг өөрчилж ийнхүү тун ойрын хугацаанд хэрэгжүүлэх гэж байна.
Ингэснээр Verizon нь 5G сүлжээнд шилжсэн дэлхийн анхны оператор болох юм.
Гурнани ярихдаа “ирээдүй бидэнд илүү олон боломжийг нээнэ, би энэ тухай төсөөлж ч чадахгүй байна” гэжээ.
5G нь өнөөдрийн 4G сүлжээнээс 30-аас 50 дахин хурдан. Бүр шилэн кабелийн холболтоос ч хурданд тооцогдох юм.
Эх сурвалж: ikon.mn
