Эргэн тойрны бүх л зүйлс ухаантай болж байна. Гэтэл таны ор ухаалаг болсон уу? Энэ асуултын хариуг олохоор хоёр залуу сэтгэл шулууджээ. Ингээд тэд ухаалаг орны бүтээлэг бүтээсэн байна.
Энэ орны бүтээлэг таны зүрхний хэмнэл, амьсгалын давтамжийг хэмжиж, микрофоны тусламжтай таны хурхирч байгаа үгүйг хүртэл мэднэ.
Luna гэх сонсголонтой нэртэй энэхүү орны бүтээлэг олон төрлийн хэмжилт хийх төдийгүй таны гэрийн бусад ухаалаг төхөөрөмжтэй хоршин ажиллах аж.
Илүү тодорхой тайлбарлавал энэ бүтээлэг таны зүрхний хэмнэл, амьсгалын давтамжийг хэмжиж, микрофоны тусламжтай таны хурхирч байгаа үгүйг хүртэл мэднэ. Ингээд зогсохгүй таныг унтаж байхад бүтээлэг өөрөө дулаанаа тохируулах учир сайхан амрахад дөхөмтэй аж.
Дулаанаа тохируулах систем нь тун өвөрмөц. Бүтээлэг хүн унтаж байгаа хэсэгт тохируулах учир та эхнэртэйгээ хамт унтаж байхад хоёр өөр температуртай байх юм.
Төхөөрөмжийн код нь нээлттэй учир хэрвээ та код мэддэг бол гэрийнхээ бусад ухаалаг төхөөрөмжтэй холбож болно. Ингэснээр таныг орондоо ороод дугжирч эхэлмэгц таны ор бусад төхөөрөмжтэй мэдээлэл солилцож хаалга түгжиж, сэрүүлэг тавьж, орны дулааныг тохируулах аж.
Luna бүтээлэг эдгээрээс гадна таныг гүн нойронд автсан эсвэл сэргэг унтаж байгааг мэдэх учир өглөөгүүр хамгийн сэргэг унтаж байгаа цагт сэрүүлэг ажиллуулна. Энэ мэтчилэн сайхан амраад орноосоо босоход тань ухаалаг кофе чанагчийг /хэрвээ танд байгаа бол шүү дээ/ ажиллуулснаар таны өглөө гайхалтай эхлэх юм.
Энэхүү дэвшилтэт технологи худалдаанд гарах хараахан болоогүй ч нэг ширхэг нь 179 ам. долларын үнэтэйгээр урьдчилсан захиалга авч байгаа юм байна.
Gogo.mn
