Хятадын цахим худалдааны хамгийн том компани болох Алибаба цай хүргэлтийн үйлчилгээндээ дрон ашиглаж эхэлжээ. Тэдний Таобао сайт өчигдрөөс эхлэн гурван өдрийн турш дрон онгоцоор цай хүргэх юм.
Өнгөрсөн онд IPO-өө гаргаж дэлхийн дээд амжилтыг эвдсэн Алибаба компани Бээжин,Гуанжоу, Шанхай гэсэн гурван хотын хэд хэдэн бүсэд эхний 450 хэрэглэгчид дрон онгоцоор зай хүргэх аж.
Хүргэлтийн хугацаа хэрэглэгч анх захиалга өгснөөс хойш нэг цагийн дотор бөгөөд эдгээрдронууд нь бүрэн автомат учир ажилчид зөвхөн очих газрыг нь зааж өгөхөд л хангалттай.
2013 онд Аmazon компани АНУ-д яг ийм туршилт хийж байсан бөгөөд өнгөрсөн онд Их Британид мөн туршилтаа үргэлжлүүлжээ. Компанийн таамаглаж байгаагаар энэ жилээс эхлэн ийм дрон онгоцнууд хэрэглээнд нэвтэрнэ гэсэн юм.
Сонирхуулахад Хятадад ийм үйлчилгээг туршиж байгаа анхны компани нь Алибаба биш бөгөөд хэдэн жилийн өмнө илгээмж хүргэдэг “SF Express” компани мөн дрон онгоцны туршилт хийж байжээ.
Эх сурвалж: www.gogo.mn
