Google корпораци Google Photo хэмээх үйлчилгээ гаргаж хүмүүст хувийн гэрэл зургуудаа хязгааргүй хэмжээгээр хадгалах боломж өгсөн билээ.
Энэ үйлчилгээ нь хүнийг автоматаар таньж таглах зэрэг олон ухаалаг үйлдэлтэй. Гэхдээ хиймэл оюун ухаан төдийлөн сайн болоогүй байгаа нь саяхны хэрэг явдлаас харагджээ.
Нэгэн залуу Google Photo үйлчилгээ түүний хар арьст найз нарыг "Gorillas" хэмээн таньж ангилсан байхыг хараад ихэд бухимдаж твиттер сүлжээнд дэлгэсэн байна.
Үүний дараа Google албан ёсоор түүнээс уучлал гуйж энэ бол арьс өнгөний үзлээр санаатай хийсэн үйлдэл биш, техникийн алдаа гэжээ.
Дараахан нь уг ангилал системээс алга болсон байна.
