Associated Press, British Movietone хамтран Youtube дээр бүтэн нэг сая минутын бичлэгийг байршуулж эхэлжээ. Тэд өнгөрсөн 120 жилийн турш дэлхий дахинд болсон түүхэн бичлэгүүдийг байршуулж байгаа юм байна.
1846 онд байгуулагдсан ашгийн төлөө бус байгууллага болох AP агентлаг BМ-тэй хамтран 550,000 гаруй бичлэг хуулах бөгөөд эдгээр бичлэгийн дунд Сувдан эргийг бөмбөгдсөн өдөр, 1906 оны Сан Францискогийн газар хөдлөлт, Берлиний ханыг нурааж байгаа гээд бүхий л зүйл багтах аж.
AР агентлагийн олон улсын архивын захирал Элвин Линдси “Бид Wikipedia-гийн дүрст хувилбарыг бүтээхээр зорьж байна” гэжээ. Хүн төрөлхтний өнгөрсөн бүтэн зууны түүхийн бүхий л онцгой мөчүүд AP-ийн архивт бий.
Бичлэгүүдийг ашиглахыг хүссэн хэн ч бай агентлагийн зөвшөөрлийг авах ёстой. Гэхдээ зөвхөн ашиглах хүмүүст биш харин кино бүтээгчдэд хэрэг болох байх гэж хоёр байгууллага үзжээ.
Хинденбергийн ослоос эхлээд олон харамсалтай мөчүүдийг интернетэд байршуулж байгаа ч өнөөдөр интернет ертөнцөд хамгийн олон хүмүүс бусдад түгээдэг муурын зурагтай нэгэн адил муурнуудын тухай 1946, 1955 онуудын сонирхолтой бичлэгүүд бас жагсаалтад багтаж байгаа аж.
Эх сурвалж: gogo.mn
