Хүн бүр л багадаа тоглоом тоглож өсдөг. Эцэг эх маань биднийг тоглоомоор аргацааж бид ч өөрсдийгөө саатуулчихдаг байсан. Ихэнх хүмүүс хүүхдэдээ аль болох оюун ухааныг нь хөгжүүлэх тоглоом авч өгөхийг боддог. Яг үнэн хэрэгтээ тэдэнд олон сайхан тоглоом бус эцэг эхтэйгээ өнгөрөөх цаг хэрэгтэй байдаг. Учир нь бага насанд хүүхдүүд тоймгүй олон зүйлсийн талаар асууж мэдэхийг хүсдэг. Даанч бид хүүхдүүдтэйгээ тэр болгон тоглоод байж чаддаггүй.
Энэ уламжлалт байдлыг Cognitoys гэх компани IBM болон Elemental Path компанитай хамтран шийджээ. Тэдний эхний бүтээгдэхүүн бол Дино. Энэхүү ухаалаг тоглоом нь IBM компанийн хамгийн сүүлийн үеийн Watson технологийг ашиглаж, Elemental Path компани хөгжүүлэлтийг нь хийж байгаа аж.
Тоглоом хүүхэдтэй тань зэрэгцэн өсөх болно гээд боддоо. tweet
Тоглоом чухам ямар чадвартай вэ? Та тоглоомыг худалдан авч өөрийн ухаалаг гар утасны тусламжтайгаар интернетэд холбосноор тоглоом тоглоход бэлэн болно. Таны хүүхэд Dino-г ашиглаж эхэлснээр Dino таны хүүхдийг аажмаар судлах болно. Dino өөрийг нь хэрхэн яаж ашиглаж байгаагаас үндэслэн таны хүүхдийн хэлний чадварын төвшин, дуртай өнгө, сонирхол гэх зүйлсийг тодорхойлно. Мөн уг тоглоом ” хэн, яагаад, хэзээ, хаана” гэх асуултын хүрээнд хариулах чадвартай. Та Dino-гийн цуглуулсан мэдээлэл болох хүүхдийнхээ сонирхол хандлага зэргийг апп, веб апп зэргийг ашиглан мэдэх боломжтой. Хүүхэд хөгжихийн хэрээр илүү их зүйлийг мэдэх болно. Тийм учраас Elemental Path компани таны хүүхдэд зориулан таарсан агуулгыг тогтмол шинэчилж байх аж. Ингээд Dino таны хүүхэдтэй хамт зэрэгцэн өсөх болно.
Тоглоомыг 4-7 насны хүүхдүүд хэрэглэх боломжтой хэмээн компани үзэж буй аж. Компани олон нийтийн санхүүжилтийн платформ болох Kickstarter дээр анх төслөө танилцуулсан бөгөөд $50,000 босгох зорилготой байв. Энэ оны 3 сарын 18-нд тэд $275,000 босгов гайхалтай биш гэж үү. Тоглоом $99 үнээр зарагдах төлөвтэй байгаа юм. Мэдээж хэрэг эхний ээлжид Kickstarter-н дэмжигчид тоглоомоо хүлээн авах юм. Энэ төсөл, тоглоом амжилттай болно гэдэгт бүрэн итгэлтэй байна. Илүү дэлгэрэнгүйг доорх видеоноос заавал үзээрэй!!!
Хүүхэд: Надад үлгэр ярьж өгөөч?
Dino: Хамтдаа үлгэр бүтээвэл ямар уу!!!
Dino: Хамтдаа үлгэр бүтээвэл ямар уу!!!
Эх сурвалж: youngreader.mn
