Өнгөрсөн шөнө Build 2015 чуулган эхэлж компани Windows 10 болон өөрсдийн бүтээгдэхүүн, үйлчилгээний талаар дэлгэрэнгүй тайлбар хийлээ. Харамсалтай нь компани шинэ үйлдлийн системээ хэзээ хэрэглээнд нэвтрүүлэх талаар ам нээсэнгүй.
Ямар ч байсан өнгөрсөн шөнө тэдний ярьсан бүхний онцлох зүйлсийг жагсаая:
- Кортанагийн шинэ төрх -
Windows 10 Кортана гэдэг туслахтай ирж байгаа нь том дэвшил. Харин бидний өмнө нь харж байснаас ялгаатай нь Кортана таны дэлгэцийн буланд байх жижигхэн тэмдэг биш харин Windows 10-ыг ашиглах таны хөтөч болох ажээ.
- Windows 10 системтэй утаснууд Андроид, iOS аппликейшн ажиллуулна -
Ер нь бол Microsoft хөдөлгөөнт төхөөрөмжийн систем, интернет хөтөч гэсэн хоёр талбарт бусдад дээрэлхүүлдэг. Тэгвэл компани хэрэглэгчдийг татахын тулд Windows 10 утаснууд Андроид болон iOS аппликейшнүүдийг дэмжинэ гэж мэдэгдлээ. Гэхдээ хөгжүүлэгчид бага зэргийн засвар хийх шаардлагатай учир та Windows утас аваад шууд iPhone дээр л байдаг тоглоомоо тоглоно гэсэн үг биш аж.
Харин их хялбархан зүйл гэдгийг л компани хэлсэн юм.
- Windows 10-ыг хүн бүрт -
Microsoft өөрсдийн таамгийг дэвшүүллээ. Шинэхэн гарах Windows 10 үйлдлийн систем 2-3 жилийн дотор НЭГ ТЭРБУМ давсан хэрэглэгчтэй болно гэв.
- Нэг л төлбөрийн систем -
Windows утаснууд удахгүй нэг л төлбөрийн системтэй болно. Юу гэхээр та ямарваа нэг аппликейшн худалдан авахад таны зээлийн карт хэрэггүй бөгөөд шууд таны утасны төлбөр дээр нэмэгдэх аж.
- Office 365 хөндлөнгийн этгээдийн add-on-ыг дэмжинэ -
Магадгүй та LinkedIn, Uber зэрэг аппликейшнүүдийг Office 365-тай зэрэг ажилладаг бол амар гэж бодож байсан байж болох юм. Тэгвэл Outlook, PowerPoint гэх мэт программууд тун сонирхолтой аргаар эдгээр аппликейшнийг ажиллуулах аж.
- Visual Studio Code -
Build чуулганы үеэр компани зөвхөн Windows гэлтгүй Mac, Linuх-д зориулсан код бичих программ танилцууллаа.
- Утсанд зориулсан Windows 10 Continuum -
Үүний ачаар та утсаа нэг том дэлгэцтэй холбоод л суурин компьютертой болох юм. Хэдийгээр хэрэглэгчийн харилцах хэсэгт өөрчлөлт гарахгүй ч PowerPoint, Word зэрэг программууд яг л суурин компьютер дээрх байдлаар харагдаж, ажиллана.
- Спартагийн жинхэнэ нэрийг “Edge” гэдэг -
Microsoft Edge бол хамгийн сүүлийн үеийн интернет хөтөч. Windows 10 үйлдлийн систем бүрт дагалдах энэ хөтөч цоо шинэ өнгө төрх, Chrome, Firefox-ын бүх л өргөтгөлүүдийг дэмждэг гэдгээрээ онцлог.
- HoloLens -
Та доорх бичлэгийг үзээд, эндээс дэлгэрэнгүй мэдээллийг аваарай.
Эх сурвалж: gogo.mn
