Vivaldi Technologies-ийн хөгжүүлж буй “Vivaldi” интернет хөтчийн шинэчилсэн загварыг татаж үзээрэй. Цахим шуудангийн үйлчилгээгээ цэгцэлж амжаагүй ч компани хэд хэдэн сонирхолтой зүйлсийг нэмжээ.
Энэ оны эхээр анх олон нийтэд түгээж эхэлсэн энэхүү веб хөтчийг өмнө нь Opera компанийн гүйцэтгэх захирлаар ажиллаж байсан Ион фон Тетзер үүсгэн байгуулсан аж. Тэгвэл шинэчилсэн веб хөтөч энэ удаад нэг дэлгэц дээр зэрэгцээ таб харуулах горимтой болжээ.
Та ашиглаж байгаа табуудаа нэг бүлэг болгон тохируулсныхаа дараа хулганын баруун талын товчлуурыг дарахад “Tile Tab Stack” гэсэн сонголт гарч ирнэ. Ингээд сонгосны дараа тухайн бүлэгт байх бүх таб нэгэн зэрэг харагдах юм.
Ерөнхийдөө том дэлгэцтэй компьютер ашиглаж, олон таб дунд эргэлдэхийг хүсэхгүй байгаа, аливаа зүйлсийг харьцуулахыг хүссэн үед тун хэрэгтэй санагдлаа. Магадгүй та веб хөгжүүлдэг бол сайтуудын “responsive” эсэхийг /Дэлгэцийн хэмжээ өөрчлөгдөхөд хэв маяг нь өөрчлөгдөхийг хэлнэ, гар утас, таблет ашиглаж байгаа үед ашиглахад хялбар болдог/ мэдэж авахад илүү хялбар ажээ.
Түүнчлэн веб хөтчийн “Тэмдэглэл” хэсэгт та компьютер дээрээсээ файл хуулах, цахим хуудасны зургийг хавсаргах зэрэг сонголт хийж болдог болсон бөгөөд хулганын баруун товчлуур дээр дарж байгаад доош зөөхөд шинэ таб нээдэг болсон байна.
Харин төгсгөлд нь та интернетийн хурд муу байгаа үед тухайн веб хуудсан дээрх зураг, бичлэг зэргийг огт харагдуулахгүй байх сонголт хүртэл хийж болдог болжээ. Хэрвээ та Windows, Mac, Linux үйлдлийн систем ашигладаг бол эндээс Vivaldi хөтчийг татаж аваарай.
Эх сурвалж: gogo.mn
Харин төгсгөлд нь та интернетийн хурд муу байгаа үед тухайн веб хуудсан дээрх зураг, бичлэг зэргийг огт харагдуулахгүй байх сонголт хүртэл хийж болдог болжээ. Хэрвээ та Windows, Mac, Linux үйлдлийн систем ашигладаг бол эндээс Vivaldi хөтчийг татаж аваарай.
Эх сурвалж: gogo.mn
