Oculus Rift, HoloLens, Morpheus төсөл, Vive гээд олон төрлийн виртуал бодит байдлын төхөөрөмжүүдийг хүмүүс хөгжүүлж байна. Технологийн дараагийн том алхам болох энэ төхөөрөмжүүд таныг виртуал ертөнцөд дагуулан очих хэдий ч мэдрүүлж чадахгүй.
Тэгвэл “FeelReal” гэх төхөөрөмж нь үнэр гаргаж, салхи салхилуулж, халуун агаараар үлээдэг аж. Үүгээр зогсохгүй амны харалдаа зүүх төхөөрөмж ус цацна.
Нэг удаа цэнэглээд тасралтгүй дөрвөн цаг ажиллах төхөөрөмж гал, далай, ширэнгэ ой, өвс, цэцэг, төмөр болон өөр нэг нууцлаг үнэр ялгаруулдаг аж.
Гэхдээ FeelReal нь бие даасан төхөөрөмж биш харин одоо бүтээгдэж байгаа Oculus Rift, Samsung Gear VR зэрэг төхөөрөмжүүдтэй хослон ажиллах юм.
Bluetooth-ээр холбосны дараа таны харж байгаа зүйлсээс шалтгаалан салхи салхилах, үнэр гаргах эсэхээ шийднэ. Хэрвээ та хүсвэл тэдний цахим хуудаснаас 249 ам. доллароор урьдчилан захиалж болох юм байна.
эх сурвалж: gogo.mn
