"Google" компанийн электрон шуудангийн "Gmail" үйлчилгээг ашигладаг, олон хаягтай хүмүүс шуудангийн хайрцаг бүр рүү шилжих шаардлагагүй болжээ. "Android" үйлдлийн системтэй төхөөрөмж хэрэглэдэг хүмүүс "Gmail" аппликейшнээ шинэчилснээр бүх электрон шуудангаа нэг дор харах "all inboxes" сонголтыг ашиглах боломжтой.
Ингэснээр түгээмэл ашигладаг электрон шуудангийн үйлчилгээгээ "Outlook"-ийн адилаар "Gmail"-ээс авах аж. Компанийн зүгээс энэхүү шинэчлэлээ "iPhone" болон "iPad"-д нэвтрүүлэх эсэх талаар ямар нэгэн мэдээлэл өгсөнгүй. Гэхдээ тус компани ихэвчлэн бүх үйлчилгээгээ "Android" хэрэглэгчдийн дунд нэвтрүүлж дараа нь "iOS" үйлдлийн системийн хэрэглэгчдэд хүргэдэг. Хамгийн сүүлд "Google" компани "Gmail" апп-аар "Yahoo", "Outlook" зэрэг үйлчилгээний электрон шууданг хүлээн авах боломжийг нэвтрүүлж байсан.
Г.Ану
- See more at: http://bloombergtv.mn
