Sony компани өнөөдөр Xperia M4 Aqua гэх утсаа танилцууллаа. Нэрнээсээ л устай холбоотой сонсогдох энэ утас усны хамгаалалттай гэдгээрээ онцлог аж.
Усны хамгаалалтаас гадна ард талдаа 13 мегапикселийн камертай, найман цөмт процессортой, урд талдаа 5 мегапикселийн камертай, ялангуяа селфи авахад тохиромжтой төдийгүй, хоёр өдөр хангалттай цэнэгээ барина гэжээ.
Зарим нэг Xperia загваруудтай адил энэ утас ч мөн usb оролтыг нь хаагаагүй байхад хэсэг хугацаанд ус нэвтрүүлэхгүй. Тиймээс та зарим хэсгийг нь таглалгүй усанд унагачихсан бол сандралгүйгээр аль болох хурдан уснаас гаргахад л хангалттай юм байна.
Андроид Lollipop үйлдлийн системтэйгээр таны гар дээр ирэх энэ утас 4G LTE сүлжээ дэмжих бөгөөд хар, цагаан, мөнгөлөг, шүрэн улаан гэсэн өнгөний сонголттойгоор энэ хавар дэлхийн 80 оронд худалдаанд гарах юм.
Түүнчлэн зарим орнуудад симгүй загвар нь ч худалдаанд гарах тухай компани онцолжээ.
