"Apple" компанийн компьютеруудэд зориулсан "Microsoft Office" програм хангамжууд шинэчлэгдлээ. "Microsoft" корпораци пүрэв гарагт "Word", "Excel", "PowerPoint", "OneNote" болон "Outlook" програмуудынхаа шинэ хувилбарыг танилцуулсан байна. Энэ нь 2011 оноос хойш хийгдсэн анхны томоохон өөрчлөлт болж байгаа ажээ. Түүнчлэн үүнээс хойш "Mac" үйлдлийн системд зориулсан "Microsoft Office" програмуудыг "Windows" үйлдлийн системд зориулсан хувилбартай адил ойр ойрхон шинэчилж байна гэж тус компанийн зүгээс мэдэгдлээ.
"Windows" үйлдлийн системийг бүтээгч "Microsoft" корпорацийн "Office 365" клауд үйлчилгээний хэрэглэгчид шинэ програмуудыг шууд ашиглах боломжтой юм байна. Харин "Office 365" үйлчилгээний эрхгүй хүмүүс дээрх програмуудыг туршилтын хугацаанд үнэ төлбөргүй ашиглаж болох ажээ.Энэ оны эцсээр "Office 2016" програм хангамжийг танилцуулна гэж тус компани мэдэгдэж байв. "Windows" болон "Mac" үйлдлийн системд зориусан дээрх програмын багц нь ухаалаг төхөөрөмжид зориулсан хувилбартайгаа нилээд адилхан байна гэсэн хүлээлттэй байгаа юм. Түүнчлэн "Windows" дээр "Excel" програмыг ашиглаж дадсан хэрэглэгчдийг хийх үйлдлээ цөөлөхөд нь дэм болох үүднээс "shortcut" буюу товчлох коммандуудын тоог нэмэгдүүлжээ.
Г.Ану
Холбоо барих: anu.g@bloombergtvmongolia.com
minjma.g@bloombergtvmongolia.com
