Apple корпорацийн iPhone ухаалаг утсыг дэлхийн улс орон бүрт зардаг. Харин улс бүрт ялгаатай үнэтэй байдаг байна.
WebpageFX компани дэлхийн улс орнууд дахь iPhone-ы үнийг харьцуулсан гарфик бүтээжээ.
Эндээс харвал хамгийн үнэтэй зарагддаг улс нь Бразил бөгөөд тэнд iPhone $1,107.53 хүрдэг. Харинхамгийн хямд зарагддаг улсаар Канад тодорчээ. Тэнд iPhone $647.20-аар зарагддаг.
Харин тухайн улсын айл өрхийн жилийн дундаж орлогод эзлэх хувиар нь харвал хамгийн үнэтэй тусдаг нь Индонези болжээ. Тэнд шинэ iPhone авахад жилийн өрхийн орлогынхоо 39.3 хувийг зарцуулна.
Харин дундаж Америк өрх жилийн орлогынхоо 1.6 хувиар шинэ iPhone авах боломжтой.
Үүнийг Монголын жишээн дээр буулгавал: Мобиком корпораци дээр хамгийн энгийн iPhone 1,675,000 төгрөгний үнэтэй буюу $837 орчим үнэтэй байна. Монгол өрхийн жилийн дундаж орлого 2015 оны эхний хагасийн байдлаар 11,300,000 төгрөг орчим байна. Тэгвэл Монголчууд шинэ iPhone авахад өрхийн жилийн орлогынхоо 14.8 хувийг зарцуулж байгаа юм.
Ikon.mn
