iPhone ухаалаг утсыг улам бүр ашигтай, олон зориулалттай төхөөрөмж болгоход нэмэлт хэрэгслүүд шаардлагатай.
Тэгвэл сүүлийн үед хүмүүсийн анхаарлыг татаад байгаа дараахь есөн дагалдах хэрэгслийг танилцуулж байна.
iBlazr $50. Гар утасны камераар мэргэжлийн түвшинд фото зураг авахад дутагддаг нэг зүйл бол гэрэл. Утасны өөрийнх нь флаш гэрэл хангалттай биш байх тохиолдол бий. Тэгвэл iBlazr энэ дутагдлыг нөхөхөөр бүтээгдсэн. Чихэвчний оролтод залгаад ашиглаж болно.
BiteMyApple сайтад $49.99 үнээр зарагдаж байгаа.
Камерны нэмэлт товчлуур
Snap 6 $50. Touch дэлгэцэн дээр хуруугаараа дарж зураг авах нь зарим хүнд таалагддаггүй. Тэгвэл яг л хуучны фото аппаратын товч шиг энэ нэмэлт хэрэгсэл зураг авах ажлыг сонирхолтой болгоно.
BiteMyApple сайтад $49.99 үнэтэй байгаа.
Нэмэлт камерны дуран
LOHA Premium Camera Lens $27. iPhone-ы өөрийнх нь камерыг улам хүчирхэг болгох нэмэлт дуран. Үүний тусламжтай та макро зургаас эхлээд өргөн өнцгийн фото ч авч болно. Андроид утсанд ч ашиглах боломжтой.
Amazon сайт дээр $26.99 үнэтэй зарагдаж байна.
Лазерын заагч
iPin Laser Presenter $42. Презентаци тавихад ийм лазерын заагч хэрэг болно. iPhone-ы чихэвчний оролтонд залгах энэ хэрэгсэл зай тэжээл шаардахгүй. iPhone дээр ажиллах аппликэшний тусламжтай Powerpoint презентациа удирдах боломжтой.
Touch of Modern сайтад $41.99 үнэтэй байна.
Мобайл согтолт хэмжигч
BACktrack Mobile Smartphone Breathalyzer $100. Энэ бол таны амьсгалаар согтолтын хэмжээг тодорхойлж үр дүнг нь утасгүй холболтоор гар утасны аппликэшнд дамжуулдаг хэрэгсэл. Яг цагдаа нарын согтолт шалгадаг багажтай ижил түвшинд хэмжих тул зарим хүмүүст хэрэг болно.
Уг төхөөрөмж Amazon сайтад $99.97 үнэтэй зарагдаж байна.
Анемометр буюу салхины хурд хэмжигч
Vaavud $60. Салхины хурд хэмждэг энэ хэрэгсэл хүн бүрт хэрэгтэй биш байж болох ч зарим спортынхон, сонирхогчдод чухал эд.
Vaavud 2 нь BiteMyApple сайтад $59.99 үнэтэй байна.
Цэнэглэгч кабельтай түлхүүрний оосор
NomadClip $30. Энэ бол ердийн нэг түлхүүрийн оосор боловч Ligthning-to-USB кабельтай. Утсаа цэнэглэх кабелийг түлхүүртэйгээ цуг үргэлж авч явах боломжтой болно.
NomadClip Carabiner Clip хэрэгсэл нь Amazon-д $29.96 үнэтэй байгаа.
Виртуал гарны товч
Celluon Epic Virtual Keyboard $91. Дурын хавтгай гадаргуу дээр бүтэн QWERTY гарны товчлуурыг гэрлээр үүсгэх ба нарийвчлал тун сайн. Та яг л физик гар дээр бичиж байгаа мэт ашиглах боломжтой. Биедээ үргэлж физик гар чирч явах хэрэггүй болно.
Amazon дээр энэ хэрэгсэл $90.69 үнэтэй зарагдаж байна.
iPhone-ы Флаш драйвер
Leaf iBridge $60. Apple өөрийн төхөөрөмжүүд дээрээ нэмэлт санах ой холбохыг хатуу хориглодог. Ихэнх хүмүүс энэ байдлаас гарахын тулд Клоуд үйлчилгээ ашиглаж байгаа. Тэгвэл энэхүү Lightning, USB порттой флаш драйвер нь мэдээллээ локал хадгалах боломж олгодог.
Amazon сайтад 16GB багтаамжтай Leaf iBridge $59.99 үнэтэй байна.
Эх сурвалж: ikon.mn
