2015-10-30

Баяртай Chrome OS

18:23
Google компани Chromebook-тээ том өөрчлөлт хийх гэж байна.  Үйлдлийн систем болох Chrome OS-ыг нь Андроидтой нэгтгэх гэж байгаа тухай The Wall Street Journal нийтэлжээ.
Continue Reading
Дэлгэрэнгүй »
Posted by at 18:23
Labels:

Зэн Буддизмын мэргэн үгс

11:44
651233 zen wall x800

  • Ялахынхаа өмнөхөн хүслээ дарж чадах нь хамгийн агуу хүчирхэгийн шинж
  • Амьдралын зорилго бол аль болох залуугаараа, гэхдээ аль болох хожуу үхэх
  • Хэрвээ нам гүм байдлыг сайжруулахааргүй байвал дуугараад хэрэггүй
  • Хүчтэй нь саадыг давдаг, ухаантай нь бүх замыг туулдаг
  • Удаашрахаас бүү ай, зогсохоос ай
  • Тэнэг хүний жаргал нь ч тэнэг байдаг
  • Чи бүдэрч уналаа гээд энэ нь чи буруу замаар явж байна гэсэн үг биш
  • Юмсын гэрэлтэй талыг үргэлж харж бай, байхгүй бол бараан хэсгийг нь гэрэлттэл нь арчиж зүлгэ
  • Шүүмжилж байгаа болгон дайсан биш, магтаж байгаа бүхэн найз биш
  • Мэдэхгүй байхаас бүү ай, сурахгүй байхаас ай
  • Багш зөвхөн хаалга нээж өгдөг, цаашаа чи өөрөө явна
  • Амгалан тайван амьдар. Цаг нь болоход цэцэг өөрөө дэлгэрнэ
  • Дутагдалгүй найз гэж байхгүй, хэрвээ өө хайгаад эхэлбэл найзгүй хоцорно
  • Зөвхөн хаалгаа нээж өгсөн хүнийд зовлон зочилж ирдэг
  • Аялалд яваад ирсэн хүн бүр хэзээ ч өмнөх шигээ хэвээр байдаггүй
  • Ичиж улайдаг хүн муу санаатай байх боломжгүй
  • Мянган өдөр сүг байснаас нэг өдөр хүн шиг бай
  • Бодол санаа чинь тайван байгаа тэр газар бол чиний гэр орон
  • Уулыг нүүлгэх чадалтай хүн анх жижиг чулууг хөдөлгөхөөс эхэлсэн нь гарцаагүй
  • 20 жилийн өмнө мод тарих бол хамгийн тохиромжтой цаг. Дараагийн тохиромжтой цаг нь өнөөдөр.
  • Ikon.mn
Continue Reading
Posted by at 11:44
Labels:

2015-10-29

Apple-д ажилд орохыг хүсэгчдээс асуусан хамгийн хэцүү асуултууд

13:56
46712d apple glass cube x800 
Apple бол залуусын ажилд орохыг мөрөөддөг компаниудын нэг. Тэдний хүний нөөцийн мэргэжилтнүүд ажил горилогчоос янз бүрийн асуулт асуудаг гэнэ. Үүнд өмнөх ажлын туршлага, ур чадвараас гадна математикийн хэцүү бодлогууд ч байдаг аж.
Карьерийн сэдвээр ажилладаг Glassdoor сайтад тус компанид ажил горилон ярилцлаганд орж байсан хүмүүст учирч байсан асуултууд нийтлэгдсэнийг орчуулан хүргэж байна.

“Чамд хоёр өндөг байлаа. Өндгийг хагалахгүйгээр унагаж болох байшингийн хамгийн өндөр давхрыг чи олох ёстой. Хэрхэн олох вэ? Хамгийн оновчтой шийдэл юу вэ?”

“Чамд ямар сонирхолтой асуудал тохиолдож түүнийг хэрхэн шийдэж байснаа ярина уу?”

“Найман настай хүүхдэд модем/роутер гэж юу болох тухай, мөн яаж ажилладгийг тайлбарлана уу?”

“Ширээн дээр 100 зоос хэвтэж байна. Тэдний 10 нь тоогоороо дээш харсан, 90 нь сүлдээрээ дээш харсан байгаа. Чи аль талаараа байгааг нь харах, мэдэх ямар ч боломжгүй. Тэгвэл хэсэг бүрт нь ижил тооны тоогоороо дээш харсан зоос байхаар зооснуудыг хоёр хуваа”

“Гурван хайрцагтай жимс байна. Нэг нь дан алим, нөгөө нь дан жүрж, гурав дахь нь алим, жүрж хоёуланг агуулсан байв. Хайрцагнууд дээр буруу тэмдэглэгээ тавьсан байгаа. Нэг хайрцгийг задлаад дотрохыг нь чамд харуулалгүйгээр нэг жимс сугалууллаа. Тэр жимсийг харсны дараа чи хайрцагнууд дээр хэрхэн зөв тэмдэглэгээ тавих вэ?”

“Үйлчилгээ авах гэж 20 минут хүлээсэн ууртай үйлчлүүлэгч дэлгүүрт байна. Тэр бөөн хэл ам хийж, өөр компаний дэлгүүр орж компьютер авна гэж хэлэв.  Асуудлыг шийд!”

“Та юун дээр алдаж байв? Алдаанаасаа ойлгосон зүйлээ ярина уу?”

“Менежэрийнхээ гаргасан шийдвэртэй зөрчилдөж байсан уу? Хэрхэн энэ зөрчлөө шийдэж байв? Жишээ болгоод зөрчлийг хэрхэн арилгасан, үр дүн нь ямар болсон, өнөөдөр тэр менежэр чиний тухай ямар ойлголттой үлдсэн талаар тайлбарлана уу?”

“Шилэн аягатай усыг эргэдэг тавцантай ширээн дээр тавижээ. Тавцанг эргүүлж, аажмаар хурдыг нь нэмэв. Хамгийн түрүүнд ямар үзэгдэл болох вэ? Аяга гулгах, унах, эсвэл ус нь цалгиж асгарах гэх мэт…”

“Чамайг юу өнөөдөр энд авчирсан бэ?”

“Сүүлийн дөрвөн жилд тохиосон хамгийн муу өдөр, хамгийн сайн өдрөө тодорхойлно уу?”

“Чи яагаад Apple-д орохыг хүссэн бэ? Хэрвээ чамайг ажилд авбал одоо хийж байгаа ажил дээрээ байгаа ямар боломжийг чи алдах вэ?”

“Өнөөдрөөс хойш таван жилийн хугацаанд чи юу хийхийг хүсч байна вэ?”

“Талх шарагчийн ажиллагааг чи хэрхэн шалгаж авах вэ?”

“Нэг аппликэшний ажиллагааг шалга гэвэл чи яаж шалгах вэ?”

“Хэрэглэгчид өөрийгөө туслахыг хүсч байгаагаа зөвхөн дуу хоолойгоороо хэрхэн илэрхийлэх вэ? Жүжиглэж үзүүлнэ үү”

“Яагаад бид чамайг ажилд авах ёстой гэж?”

“Амьдралдаа хийж үзсэн хамгийн бахархмаар үйлсийн тухай яриач!”

“Энэ үзгийг бүтээхэд гарсан зардлыг задалж үзүүлнэ үү?”

ikon.mn
Continue Reading
Posted by at 13:56
Labels:

“Төлбөртэй YouTube” буюу YouTube Red өнөөдрөөс нээгдэж бай

10:21
8b2c1b youtube red x800
Сарын $9.99 үнэтэй YouTube Red үйлчилгээ өнөөдрөөс зах зээлд нэвтэрч байна. Энэ үйлчилгээнд нэгдсэнээр хэрэглэгч ямар ч сурталчилгаагүйгээр YouTube дээр байгаа бүх видеог үзэхээс гадна төхөөрөмж дээрээ хадгалж сүлжээгүй (offline) орчинд үзэж болно. Мөн гар утасны аппликэшн нь арын горимонд (background) ажиллах тул бусад Spotify, Apple Music зэрэг стриминг үйлчилгээнүүд шиг өөр юм хийнгээ дуу хөгжмийг нь сонсож болно гэсэн үг.
Одоохондоо YouTube дээр байгаа видеонуудыг үзэх бол ирэх оноос зөвхөн төлбөртэй үйлчилгээний хэрэглэгчдэд үзүүлдэг оригиналь контентуудтай болно.
Хэдийгээр төлбөртэй хэдий ч эхний нэг сар нь үнэгүй юм байна. Тиймээс та YouTube.com/Red хаягаар ороод бүртгүүлсний дараа 30 хоног үнэгүй хэрэглэж үзэх боломжтой. Гэхдээ энэ үед төлбөрийн картны мэдээлэл шаардах юм. Хоёр дахь сараас эхлэн хэрвээ үргэлжлүүлэхийг хүсвэл төлбөрөө картнаас нь сар бүр суутгаад явах юм.
Төлбөрийн хувьд дэсктоп болон Android хувилбарын төлбөр ижил сард $9.99 байх бол iOS төхөөрөмжтэй хэрэглэгчдээс нэмэлт $3 авах гэнэ.
Харин монголын хэрэглэгчдийн хувьд ашиглах боломжгүй юм.

Эх сурвалж: ikon.mn
Continue Reading
Posted by at 10:21
Labels:

2015-10-28

“Internet Of Things” гэж юу вэ? Түүний тухай баримтууд

18:16
0b591b iot x800
“Internet of Things” (IoT) хэмээх ойлголтын тухай сүүлийн үед ярих нь нэмэгдэж байна. IoT нь интернэтэд холбоотой төхөөрөмж, биет болгоныг хэлдэг нэгдсэн ойлголт. Жишээ нь ухаалаг бугуйн цаг, зүүдэг төхөөрөмжүүдээс эхлээд хөргөгч зэрэг гэр ахуйн төхөөрөмжүүд ч байж болно.
Эдгээр нь өөрийнхөө ажиллагааны хүрээнд мэдээлэл бүрдүүлж түүнийгээ интернэтээр дамжуулснаар Big Data үүсгэх нөхцлийг бүрдүүлэх юм.
Ухаалаг, интернэтэд холбоотой төхөөрөмжүүд нь хүмүүсийн амьдралыг өөрчлөөд эхэлсэн бөгөөд бизнесийн өрсөлдөөнд чухал хүчин зүйл болоод байна.
Энэ салбар хэрхэн түргэн хөгжиж байгаа болон бидний амьдралд хэрхэн нөлөөлж эхэлсэн талаар дараах баримтуудыг хүргэж байна.
  • Өнөөдөр нийт хүн амын ихэнх нь буюу 87 хувь нь IoT-гийн тухай огт сонсоогүй байна
  • Банкны ATM машинуудыг хамгийн анхны IoT төхөөрөмж гэж үздэг ба бүр 1974 оноос онлайн холболттой болжээ.
  • Бүр 2008 онд дэлхий даяар Интернэтэд холбоотой төхөөрөмжүүдийн тоо, холбоотой хүмүүсийн тооноос илүү гарчээ.
  • Зөвхөн энэ онд 4.9 тэрбум холбоотой төхөөрөмж шинээр нэмэгдэнэ.
  • Зарим тооцоогоор 2020 онд Интернэтэд холбоотой төхөөрөмжүүдийн тоо 50 тэрбумаас илүү гарах гэнэ.
  • 2015 онд 1.4 тэрбум ухаалаг гар утас зах зээлд гарах бол 2020 онд манай дэлхий 6.1 тэрбум ухаалаг гар утасны хэрэглэгчтэй болно.
  • IoT нь бидний гэрт байгаа төхөөрөмж бүрийг удахгүй интернэтэд холбох юм. Үүнийг урьдчилж харсан Google тасалгааны ухаалаг дулаан тохируулагч үйлдвэрлэдэг Nest Labs компанийг $3.2 тэрбумаар авсан бол Samsung компани мөн ижил төрлийн SmartThings компанийг $200 саяар аваад байна.
  • 2020 онд 250 сая орчим автомашин Интернэтэд холбоотой болох ба машин дотрох цоо шинэ үйлчилгээнүүд, автомат жолоодлогыг бий болгоно.
  • 2015 онд зүүдэг төхөөрөмжийн зах зээл дэлхий дахинд 223 хувь өснө. Үүнд Fitbit компани 4.4 сая ухаалаг бугуйвч зэрэг бүтээгдэхүүн зарах бол Apple 3.6 сая Apple Watch зарахаар байна.
  • Интернэтэд холбоотой хувцасны эрин эхэлж байна. Estimates компаний тооцоогоор 2020 онд 10.2 сая ухаалаг хувцас зарагдах гэнэ. Энэ тоо 2013 онд дөнгөж 140 мянга байсан юм.
  • Өнөөдөр RFID (Radio Frequency Identification) буюу объектуудын байршлыг дамжуулах төхөөрөмжийн зах зээл $11.1 тэрбумд хүрээд байна. 2020 онд энэ нь $21.9 тэрбумд хүрнэ гэж тооцоолж байгаа.
  • Machine-to-machine (M2M) холболттой төхөөрөмжийн тоо энэ оны эхэнд 5 тэрбум байсан бол 2024 онд 27 тэрбумд хүрэхээр байна. Үүний 21 хувийг Хятад, 20 хувийг АНУ эзлэх юм.
  • General Electric компанийн үзэж байгаагаар IoT салбар ирэх хорин жилд дэлхийн Дотоодын Нийт Бүтээгдэхүүнийг $10-$15 их наядаар нэмэгдүүлэх гэнэ.
Эх сурвалж: ikon.mn
Continue Reading
Posted by at 18:16
Labels:

ОНЦЛОХ БИЗНЕС: SKINNY STUDIO - ШИНЭЛЭГ, ӨВӨРМӨЦ БАЙДЛААР ШИЙД

14:13

Биднийг Skinny-г зорьж Выставкын хойно очиход нэг давхар цагаан байшингийн дунд хэсэгт зэргэлдээх хөршүүдээсээ илт ялгарсан, орчин үеийн дизайнтай оффисын байр угтсан юм. Ингээд ердөө 10-хан м2 талбайг маш бүтээлчээр тохижуулсан оффис руу нь ороод ярилцаж үзэхэд, салбартаа яг л оффисын байр шигээ ялгарахуйц, шинэ өнгө төрхийг бий болгож чадах, гоё сайхан зүйлсийг хийж бүтээхээр "цангасан" залуус шиг санагдсан. Skinny гэдэг нь минимал, нүсэр биш гэсэн санаа бөгөөд ярвигтай зүйлсээ бидэнд даатга гэж хэлэх мэт. 

Continue Reading
Дэлгэрэнгүй »
Posted by at 14:13
Labels:

2015-10-26

БИ ХЭРХЭН АЖИЛЛАДАГ ВЭ? - TECHSTARS КОМПАНИЙН ЗҮҮН ӨМНӨД АЗИ ХАРИУЦСАН ЗАХИРАЛ - Д.БАТ-ОКТЯБРЬ

15:49

Око хэмээх нэрээр залуусын дунд танигдсан энэ залууг Монголын стартап хөдөлгөөний "загалмайлсан эцэг" гээд нэрлэчихэд буруудахгүй. Энтрепренершип, стартап гэх мэт саяхан л хол хөндий байсан ойлголтууд өнөөдөр залуусын амны уншлага болоход түүний зохион байгуулдаг Startup Weekend арга хэмжээ, үүсгэн байгуулсан Startup Mongolia ТББ-ын оруулж буй хувь нэмэр маш их. Bloomberg TV Mongolia, C1 телевизүүдэд ажиллаж байсан, "Гарааны бизнес" цуврал нэвтрүүлгийг эрхлэн гаргаж буй Око өдгөө дэлхийн хамгийн шилдэг инкубатор, хурдасгуур хөтөлбөрүүдийн нэгт тооцогддог Techstars компанийн бүс нутаг хариуцсан захирлаар ажиллаж байгаа билээ.  

Continue Reading
Дэлгэрэнгүй »
Posted by at 15:49
Labels:

Та энтрепренер болоход бэлэн үү?

15:45
Та энтрепренер болоход бэлэн үү?

Нэг үеэ бодвол энтрепренер хэмээх ойлголт нэлээд газар авч олон хүнд хүрч чадлаа. Үүний үр дүнд өөрийн бизнес санаагаа хөгжүүлж, амжилттай стартапкомпани босгох хүсэл эрмэлзэлтэй залуусын тоо ч дагаад нэмэгдэж эхлэв. Гэвч энтрепренер хэмээх ойлголтыг авах, энтрепренер болох 2 нь өөрөө тусдаа асуудал. Хангалттай хэмжээний ойлголтыг авсан хэмээн та өөрийгөө үзэж байгаа бол  одооноос өөрийгөө энтрепренер болоход бэлэн байгаа эсэхийг нэг шалгаад үзээрэй.
Continue Reading
Дэлгэрэнгүй »
Posted by at 15:45
Labels:

Хэрхэн төвлөрч сурах вэ?

15:45
Хэрхэн төвлөрч сурах вэ?

Техник, технологийн хөгжил болон мэдээллийн хэт их урсгалаас болж өнөө үеийн залуусын дунд анхаарлаа төвлөрүүлэх чадвар маш дутмаг болсон. Анхаарал төвлөрөл муу байх нь аливаа зүйлд дутуу дулимаг хандах, алдаа гаргах үндэс болдог. Тиймээс анхаарлыг тань сарниулах зүйлсээс түрхэн ч гэсэн зайлс хийж анхаарлаа бүрэн төвлөрүүлэхэд тань туслах дараах зөвлөмжүүдийг танд хүргэж байна.
Continue Reading
Дэлгэрэнгүй »
Posted by at 15:45
Labels:

“Мастер Конг”-ын эзэнт улсын түүх

15:43
“Мастер Конг”-ын эзэнт улсын түүх
Бээжингийн их сургуулийн профессор Жонатан Войцел, Жеффрей Тоусен нарын Хятадын бизнесийн талаар зургаан сэдэвт багтаан энгийн ойлгомжтойгоор, хурдан хугацаанд цэгцтэй мэдээлэл авч болохоор бичсэн “ХЯТАДЫГ 1 ЦАГТ” номын хэсгээс уншигч та бүхэнд хүргэж  байна.
Continue Reading
Дэлгэрэнгүй »
Posted by at 15:43
Labels:

Гарааны бизнесийг тань үгүй хийх 18 алдаа

15:40
Гарааны бизнесийг тань үгүй хийх 18 алдаа
Хүн бүхэн өөрийн санаагаараа бизнесээ эхлүүлдэг ч эхлүүлсэн бүх гарааны бизнес амжилттай байдаггүй. Үүнд маш олон хүчин зүйл нөлөөлөх бөгөөд гарааны бизнесийг тань үгүй хийх нийтлэг 18 алдааг хүргэж байна. Эдгээр нь таны гайхалтай санаанд өшөө юу шаардлагатайг тодорхойлж өгөх болно.
Continue Reading
Дэлгэрэнгүй »
Posted by at 15:40
Labels:

2015-10-24

Google-тэй хамт цаг хугацаагаар аялаарай

15:00
Энэ долоо хоногт кино сонирхогчдын хувьд яах аргагүй онцгой долоо хоног. Тэртээ 30 жилийн өмнө анх дэлгэцэнд гарч байсан “Ирээдүй рүү буцсан нь” уран сайхны киноны хоёрдугаар ангид гол дүрүүд 2015 онд ирж буйг харуулдаг.
Continue Reading
Дэлгэрэнгүй »
Posted by at 15:00
Labels:

А.Амарбаяр: "Amazon" компани Азийн зах зээл рүү орж эхэлсэн

11:28

8b3d79 10897914 10152964572316597 1970151392065084437 n x320
Мэдээллийн технологийн хүчээр хүн төрөлхтөн хүссэнээ бүтээж, ажил амьдралаа хялбаршуулж байгаагийн нэг тод илрэл нь онлайн худалдаа. Тэгвэл энэ салбарт онлайн худалдааны “Их дэлгүүр” гэгдэх “Amazon”компани тэргүүлэх байр суурийг эзэлдэг.
АНУ-ын “Fortune 500” компанийн жагсаалтын 29 дүгээрт бичигддэг тус компанид Монгол залуу ажиллаж байгааг дуулгахад таатай байна. “Amazon ” компанийн инженер А.Амарбаяртай цахимаар ярилцсанаа хүргэе.
Уншигч та А.Амабаярын IT-гийн компаниудын ажлын ярилцлаганд орж байсан тухай, тэд ажилтны юуг нь илүү харж ажилд авдаг, ажилд горилогчид юун дээр анхаарч бэлдэх ёстой байдаг зэргийг өөрийн блог хуудсандаа нийтлэснийг сонирхохыг хүсвэл ЭНДЭЭС үзэх боломжтой.

Continue Reading
Дэлгэрэнгүй »
Posted by at 11:28
Labels:

2015-10-22

Бүх насныханд Програмчлал сурах боломжийг Facebook олгож байна

13:20
58e6eb techprep x800
Facebook компани саяхан TechPrep нэртэй төслийг McKinsey & Company корпорацийн тусламжтай нээлээ. Зорилго нь бүх насныхан, бүх мэргэжлийнхэн, эцэг эхчүүд, хүүхдүүдэд компьютер програмчлалын мэдлэг боловсрол олгох.
Энэ төсөл нь бүхэлдээ вэбэд суурилсан бөгөөд techprep.fb.com хаягаар хандах боломжтой. Уг вэб сайтад таны нас, зорилгоос хамаараад янз бүрийн материалууд, мэдээллүүд, хичээлүүдийг байрлуулсан.
TechPrep төслийнхөө тухай Facebook-ийн үндэслэгч Марк Зукерберг өөрийн хуудсандаа танилцуулсан байна.

 
Today we’re launching TechPrep -- a website to help people start programming careers.It shows parents and students...
Posted by Mark Zuckerberg on Wednesday, October 21, 2015
Жишээ нь та хүүхдээ багаас нь програм бичүүлж сургах бол MIT-ын боловсруулсан вэб сургалтын хөтөлбөр SCRATCH-ыг эндээс ашиглаж болно.
Ингэхдээ маш энгийн аргаар, тухайлбал муурыг тэдэн удаа алхуулаад ийм үйлдэл хийлгэнэ гэх мэтээр алхам бүрийг програмчилж ажиллуулах боломжтой байхаар хийгджээ.
ikon.mn
Continue Reading
Posted by at 13:20
Labels:

Google төлбөртэй Youtube үйлчилгээгээ гаргах гэж байна

13:17
7982a7 youtube red x800
YouTube онлайн видео үйлчилгээний төлбөртэй хувилбарыг Google гаргах болсноо зарласан байна. Ингэснээр түүний эцэг компани Alphabet нь онлайн энтертайнмэнт  үйлчилгээнээс орлого олдог болж, Netflix зэрэг бусад ижил үйлчилгээнүүдтэй өрсөлдөхөөр боллоо.
Шинэ үйчилгээг YouTube Red хэмээн нэрлэж байгаа ба сарын $9.99-ийн үнэтэйгээр аравдугаар сарын 28-нд эхлэх гэж байна.
Үнэгүй үздэг видеогоо үнэтэй үздэг болох хоёр шалтгаан нь нэгд, ямар ч сурталчилгаа гарахгүй, хоёрт, дуртай видеогоо төхөөрөмж дээрээ оффлайн хадгалж үзэх боломжтой.
Үүнтэй цуг YouTube Music хэмээх үйлчилгээг бас давхар нээж байгаагаа зарласан байна. Учир нь хөгжмийн салбарынхан сурталчилгаанаас орлого олдог загвартай одоогийн бизнесээс төдийлөн их ашиг олж чадахгүй байгаа тул төлбөртэй хувилбарт гол тоглогч нь байх гэнэ.
Үүнээс гадна олон шинэ боломжоор баялаг байх тул YouTube Red-д мөнгө төлсөндөө хэрэглэгчид нь харамсахгүй байх болно хэмээн тус компанийхан баталж байна.

Эх сурвалж: ikon.mn
Continue Reading
Posted by at 13:17
Labels:

2015-10-19

Хакерууд Siri, Google Now дуу хоолойн удирдлагыг ашиглан нэвтрэх арга нээжээ

14:57
8a128e hey siri x800
iOS9-ийн нэг шинэ боломж бол дуу хоолойгоор утасаа удирдах Siri функцыг зөвхөн нэг үг хэлээд идэвхжүүлэх боломж.
Утсандаа хандаад “Hey Siri” гэж хэлэхэд утас таны цааш хэлэх үгийг чагнаж командыг биелүүлэх горимонд ордог. Ингэхдээ General-> Siri хэсэгт орж ийм болгох тохиргоог хийнэ.
Андроид системд ч бас Google Now гэсэн ийм функц бий. Түүний түлхүүр үг нь “OK Google”.
Тэгвэл саяхан Францын засгийн газрын агентлаг ANSSI-гийн хоёр мэргэжилтэн радио долгион ашиглан Siri, Google Now-гаар гар утсанд зайнаас нэвтрэх боломжийг нээжээ.
Ингэж нэвтрэх боломжтой утас нь зөвхөн дээр дурдсан Siri, Google Now-г дуу хоолойгоор идэвхжүүлэх тохиргоотой, мөн чихэвч, микрофон залгаатай байх ёстой гэнэ.
Чихэвчний утсыг тэд антенн болгон ашиглаж цахилгаан соронзон долгион илгээхэд микрофон хүлээж авч, утасны үйлдлийн систем түүнийг дуу хоолой гэж ойлгоод командыг нь биелүүлэх горимд шилжих юм.
Ингэж юу хүссэн хүсэлтийг нь биелүүлэх горимд орсны дараа дуудлага хийх, мессэж илгээх, аюултай вэб сайт руу нэвтрэх, сошиал сүлжээнд пост хийх гэх мэт үйлдлүүд хийж болно.
Тиймээс сонсох горимыг нь идэвхитэй байлгаад, чихэвч зүүж орхисон утсан дээр таны оролцоогүй ямар нэг үйлдэл хийгдээд эхэлбэл энэ нь халдлага болж байна гэсэн үг юм.
Гэхдээ ингэж хакдахын тулд тусгай радио төхөөрөмж байх хэрэгтэй ба халдах утаснаас 2-18 метр зайтай байх гэнэ. Зай нь радио долгионы чадал, антенны хэмжээнээс хамаарна.
Гэхдээ бодит байдал дээр ингэж халдлага хийх нь өртөг өндөртэй, нөхцөл нь бүрдэх боломж ч бага гэдгийг мэргэжилтнүүд хэлж байна.
Технологийн дэвшил болгон араасаа сүүдэр дагуулдагийн нэг жишээ энэ юм.

Эх сурвалж: ikon.mn
Continue Reading
Posted by at 14:57
Labels:

Чи өөрөө цэвэр, цэвэр улс төрийг хүсэж байгаа бол гарч цэвэр улс төрөө хий

13:40
Хүн төрөлхтний түүхэнд өнө эртний буурал түүхтэй атлаа өөрийн газар нутаг үгүй улс үндэстэн, өргөн уудам газар нутагтай атлаа түүх шастир нь төдий л арвин зузаан бус улс үндэстэн байдаг.
 Тийм их өнө эртний түүхтэй орны нэг нь Израйль билээ. Шавар намаг, элсэн цөл, хад чулуун дунд ямар ч баялаггүй “алга дарамхан” газар чухам агуу их мөрөөдлийн хүчээр, эрдэм оюуны хүчээр, баатарлаг эр зоригийн хүчээр хүчирхэг Израйлийг хэдэн аравхан жилийн дотор бүтээж босгосон нь үнэнхүү гайхамшиг.
Буурал түүхээ дурсан санагалзаж, хий хоосон бахархаж суусангүй, харин агуу ихийг, алс хэтийг мөрөөдөж, том мөрөөдсөний хүчээр тийнхүү өндийн боссон буй заа. Бид бас өнгөрсөн түүх, өнийн дурсамж хийгээд өнөөгийн, алс ирээдүйн хүсэл мөрөөдлөө цэгнэж нэг үзэхсэн. Өнгөрсөнд ирээдүй, итгэл найдвар аль алин нь байхгүй” гэж Шимон Перес хэлжээ.
                           М.Чимэдцэеэ /Ph.D. Хятад судлаач/
File picture dated 24 January 2003 shows former Israeli Prime Minister Shimon Peres at the World Economic Forum in Davos, Switzerland. Israel's opposition Labour party voted 04 February 2004 for Peres to continue as leader for another two years, party sources said. The 80-year-old Nobel peace prize winner won backing of around 60 percent of members at a meeting of his party's convention in Tel Aviv to remain as head of the faction until December 2005. Peres, a leading figure on the Israeli political scene for nearly half a century, was elected temporary leader of the party for just one year last June after the party's general election debacle in January. AFP PHOTO/ERIC FEFERBERG
Усгүй, баялаггүй намаг, цөл дээр улсаа байгуулалцсан Израйлийн ес дэх Ерөнхийлөгч 92 настай Шимон Пересийн Украинд Ялтийн Европын Стратеги (YES) уулзалт дээр хэлсэн үг.  Перес, Шимон — Википедия
Бид өөрийн газар нутаг, газар шороог мөрөөддөг байлаа. Гэхдээ бидэнд өгсөн нутаг мөрөөдөхөд ч хэцүү газар байв. Энэ газар бидэнд тийм ч таатай хандаагүй. Ойрхи Дорнодын мянганы нэгтэй тэнцэх шумуултай намаг, урд талдаа цөл, хад чулуутай алга дарам газар. Шумуул, чулуу хоёрын аль нэгийг сонгох сонголт л байлаа. Тэнд ердөө хоёр нууртай. Нэг нь Үхлийн нуур, нөгөө нь ширгээд сөнөчихсөн. Алдартай голтой ч тэр нь ширгэчихсэн. Үнэндээ бол тэр газарт ус байсангүй. Байгалийн ямар ч баялаг бас л байгаагүй. Алт, нефть бүр сураггүй. Тэр үеэс л Ойрхи Дорнодод нефтийн болоод гэгээрсэн хоёр улс бий гэдэг яриа гарсан юм. Бид үнэхээр гэгээрсэн улс байлаа. Яагаад гэвэл бидэнд юу ч байсангүй.
Бид ганцаардмал байлаа. Шашин нэгт ахан дүүс, хэл нэгтэй эгч, түүхээр холбогдсон хөрш аль аль нь байгаагүй. Энэ бүхэн Холокостын дараа гээд бод. Тэр нутагт юу хийхээ ч мэдэхгүй очсон хэрэг. Үнэхээр мэдэхгүй байсан юм.
Хүмүүс яаж идэвхитэй амьдарч чадаж байгааг минь асуудаг. Энэ тун энгийн. Толгойдоо дурсамж, мөрөөдөл хоёроо тоолж үз. Мөрөөдөл чинь дийлж байвал та одоохондоо залуу байгаа хэрэг.
Ингээд бид хорвоо ертөнцийн хамгийн том баялаг бол хүн гэж бодсон. Газрыг хүн баялаг болгодог болохоос газар ард түмнийг баяжуулдаггүй.
Бид бүгд эрдэмтэн боллоо. Израилийн фермер бүхэн, ард болгон хөдөө аж ахуйг усгүй, газаргүй хэрхэн хөгжүүлж болохыг хайж эхэлсэн. Тэгээд ч үүнийг бид хөгжүүлж чадсан. Энэ бол өндөр технологи hi tech дээр суурилсан ХАА болсон юм. Тэр үед би өөрөө ч ХААИС-ийн оюутан байлаа. Модыг халуун усаар усалж сайн ургуулж болно гээд туршиж байв.
Хамгийн гайхалтай нь газар дээр төдийгүй hi tech дээр суурилсан ХАА үр дүнгээ өгсөн билээ. Өнөөдөр манайд хангалттай ус бий. Усыг уг нь хайж олдог. Харин бид олборлож сурсан. Бид амжилтанд үнэхээр хүрсэн. Ус бага хэрэглэдэг хүнсний ногоо гаргаж, давстай усыг цэнгэгшүүлж чадсан. Та нарт жинхэнэ нууцаа дэлгэхэд: олсон зүйл бус бий болгосон, үйлдвэрлэдэг зүйл ирээдүйд тань чухал.
Бидэнд хүн хүч, зэвсэг байгаагүй. Бид байлдах туршлагагүй. Ердөө, ширхэг генерал ч үгүй 450 мянган иргэдтэй. НҮБ бараг дайны гал дунд Израиль гэдэг улс байгуулахаар шийдсэн. Ийм үед бид 2 зүйл хийсэн юм.
Нэгд – Иргэд нь баатарлаг, зориг төгөлдөр байх ёстой. Тэд ганцхан удаа л ялагдвал дуусаа, өөр сонголт хийх эрхгүй гэдгээ ойлгох хэрэгтэй.
Хоёрт – Бидэнд зэвсэг байгаагүй тул түүнийг үйлдвэрлэж эхлэв. Армиа хөгжүүлэхийн тулд IT-гээ хөгжүүлэх хэрэгтэй болсон юм. Израилийн IT салбар армид үйлчлэх боллоо. Учир нь дайсагнасан хүрээлэлд бид оршиж байв.
Энэ бүхнийг яах гэж яриад байна гээч. Залуу охид, хөвгүүдэд та нарт бодож байгаагаас чинь илүү боломж бий гэж би хэлдэг. Бүү залхуур. Газар тань өгөөгүйгээс ч илүү танд өөрт чинь бий. Та өөрөө танд өгөөгүйг бүтээх боломжтой. Энэ бол бүгдэд хэрэгтэй хичээл юм.
Украин – ХАА-н хамгийн чухал орнуудын нэг. Үнэхээр ихийг бүтээж нийлүүлдэг. ХАА-аас татгалзах бус түүнийг шинэчилж, ард түмнийхээ авьяас чадвар, нөөц бололцоотой холбох хэрэгтэй.
Хүн бүхэнд том нөөц бололцоо бий. Харамсалтай бүгд бага зэрэг залхуу. Ямар нэгэн амжилтанд хүрмээр байгаа бол ажиллах хэрэгтэй. Тэнгэрээс зүгээр унаад ирдэг юм гэж үгүй. Изриальд маш их ажилдаг. Үүний буруу гэж мэдэхгүй л юм. Ээлжийн амралтыг дэмий үрсэн цаг гэж би боддог. Одоо 90 гарсан ч би амралт авч үзээгүй. Надад амрахгүй тэнэг юмуу гэдгийн. Харин би ажиллаж, түүнээс баяр баясалыг авдаг. Бас гутаранги байх хэрэггүй шүү. Энэ ч гэсэн дэмий цаг үрэхээс цаашгүй. Цаг өөрчлөгдөж байгаа энэ үед бүр ч.
Шинжлэх ухааны араас яв. ШУ-д хил хязгаар, зааг ялгаа, рефлекс гэж үгүй. Өнгөрсөн үеийн асуудлыг шийдэх гэж бүү оролд. Шийдэж болдог эсэхийг би лав мэдэхгүй. Өнгөрсөн цаг хугацаа ямар ч үүрэг үр дүнгүй. Өмнөх алдаагаа давтахгүйн тулд харин түүнийг судла. Өнгөрсөнд ирээдүй, итгэл найдвар аль аль нь байхгүй.
Ихэнх хүмүүс санан дурсах сонирхолтой ч бүтээлчээр танилцах дургүй. Энэ маш том алдаа. Юуг санан дурсах гээд байгаа хэрэг вэ? Түүхэнд найдаж болохгүй. Түүхчид засаглаж байгаа ноёдод хэрэгтэйг нь ярьдаг үйлчлэгчид.
Өнгөрснөө эргэн харвал хамгийн том алдаа тань юу байв гэж надаас асуудаг. Бид аугаа том мөрөөдөлтэй гэж боддог байлаа. Харин тийм ч аугаа том мөрөөдөж чадаагүйгээ одоо ойлгосон хэмээн хариулдаг. Том мөрөөдөж бай. Том мөрөөдөх тусам том амжилтанд хүрнэ.
Энэ бүхэн миний өнгөрснөөсөө суралцсан зүйлс юм.
Бас хүмүүс яаж идэвхитэй амьдарч чадаж байгааг минь асуудаг. Энэ тун энгийн. Толгойдоо дурсамж, мөрөөдөл хоёроо тоолж үз. Мөрөөдөл чинь дийлж байвал та залуу байна. Дурсамж тань давамгайлсан бол та хөгширчээ.

num.edu.mn
Continue Reading
Posted by at 13:40
Labels:

Blackberry анхны Андроид гар утасаа гаргалаа

09:28
IKON.MN
4bccbd blackberry priv angle slider black official 630x300 x800
Өчигдөр анх удаа Blackberry компани өөрийн Андроид системтэй ухаалаг гар утасаа Blackberry Priv нэрийн дор Их Британий зах зээлд гаргахаар урьдчилсан захиалга авч эхэллээ.
Өөрийн бие даасан Blackberry OS нь өрсөлдөөнд ялагдаж нэг хэсэгтээ үйлдвэрлэлээ зогсоож дотоод зохион байгуулалтандаа анхаарч байсан компани ийнхүү өөр системтэй бүтээгдэхүүн гаргаж байна.
Энэ утас нь Blackberry-гийн нэрийн хуудас болсон физик гарны товчлуурыг оруулж өгчээ.
Continue Reading
Дэлгэрэнгүй »
Posted by at 09:28
Labels:

2015-10-17

Флашийн том цоорхой засагдлаа, даруй шинэчлэх цаг боллоо

15:22
Bdfb08 adobe flash x800
Adobe компанийн Flash бүтээгдэхүүнд томоохон цоорхой гарч, түүгээр нь дамжин хакерууд компьютерыг нь бүхэлд нь гартаа оруулах боломжтой болоод байсан.
Энэ цоорхой Windows, Mac, Linux гээд гол үйлдлийн системүүдэд илэрсэн тул тун ноцтой байдал үүсээд байв.
Тиймээс олон веб броузерууд флашийг хязгаарлаж эхэлсэн ба зарим хэрэглэгчид флашийг бүрэн устгаж HTML5 зэрэг өөр стандартад шилжээд байсан юм.
Тэгвэл Adobe компани энэ цоорхойг зассан шинэ хувилбараа өчигдөр гаргалаа.
Хэрвээ та Флаш бүтээгдэхүүнийг ашигласан хэвээр байгаа бол даруй шинэчлэх цаг нь болжээ.
Adobe-ын санал болгож байгаа шинэ хувилбар нь 19.0.0.226.
Та ЭНЭ ХОЛБООСоор нэвтэрч өөрийн Флашийн одоогийн хувилбарыг шалгаж болно.
Хэрвээ дээр заасан 19.0.0.226 хувилбараас өмнөх хувилбар байвал ЭНЭ ХОЛБООСоор нэвтэрч шинэчлээрэй.

Эх сурвалж: ikon.mn
Continue Reading
Posted by at 15:22
Labels:

Цаасан онгоцны “цонхоор” харах арга бий

13:46
Цаасан онгоцонд бэхэлдэг, алсын удирдлагатай хөдөлгүүр бүтээгч PowerUp компани өнгөрсөн шөнө тун сонирхолтой бүтээгдэхүүнээ танилцууллаа. Одоо хэрэглэгчид онгоцонд зөвхөн хөдөлгүүр биш, нэмэлт камер залгаж болох нь.
 
Continue Reading
Дэлгэрэнгүй »
Posted by at 13:46
Labels:

Toyota Kikai загвартай танилц

13:44
Энэ сарын сүүлээр болон Токиогийн авто үзэсгэлэнд Японы автомашин үйлдвэрлэгчид олон сонирхолтой бүтээлээ танилцуулна. Тэгвэл энэ удаад Toyota компанийн бүтээсэн Kikai загварыг сонирхуулъя.
Continue Reading
Дэлгэрэнгүй »
Posted by at 13:44
Labels:

Hendo 2.0 нисдэг хавтанг 21-нд танилцуулна

13:41
Ирээдүй рүү буцсан нь уран сайхны киног та үзсэн бол ягаан өнгөтэй нисдэг хавтан хамгийн түрүүнд санаанд бууна гэдэг итгэлтэй байна. Тэгвэл өнгөрсөн жилээс хэд хэдэн газар “жинхэнэ” нисдэг хавтан бүтээх ажлаа эхлүүлж, ялангуяа Hendo хавтан хүмүүсийн анхаарлыг хамгийн ихээр татсан.
Continue Reading
Дэлгэрэнгүй »
Posted by at 13:41
Labels:

IBM Хятадын засгийн газарт эх кодоо үзүүлэхийг зөвшөөрлөө

12:54
62d47f ibm x800 
IBM корпораци хэд хэдэн бүтээгдэхүүнийхээ програмын эх кодыг Хятадын засгийн газарт дэлгэж үзүүлэхийг зөвшөөрсөн тухай Wall Street Journal-д мэдээлжээ.
Хятадын зах зээлд том байр суурьтай энэ компани дараагийн том алхамаа хийхийн тулд эрх баригчдын итгэлийг олж авахыг зорьж байгаа бололтой.
Сүүлийн жилүүдэд Хятадын эрх баригчид мэдээллийн технологийн бүтээгдэхүүнүүдийн эх кодыг сонирхох нь нэмэгдсэн ба энэ шаардлага нь ихэвчлэн АНУ-ын компаниудад чиглэж байгаа. Тэгвэл үүнийг хүлээн зөвшөөрсөн анхны компани нь IBM болж байна.
Хятадын тал тэднийг тагнуулын зорилготой, гэдрэг мэдээлэл дамжуулдаг нууц гарцтай (backdoor) бүтээгдсэн байхаас болгоомжилдог.
IBM-ын эх кодыг шалгах ажиллагаа өндөр нууцлалтай өрөөнд хийгдэх ба эх кодыг хуулж авах эрхгүй, зөвхөн газар дээр нь анализ хийгдэх юм байна.
Гэхдээ энэ ажиллагааг практик ач холбогдлоос илүү билэгдлийн чанартай зүйл гэж үзэх хүмүүс байгаа юм.

Эх сурвалж: ikon.mn
Continue Reading
Posted by at 12:54
Labels:

2015-10-16

Posted by at 10:14
Labels:

2015-10-14

IBM CEO: Компьютер сэтгэж, шийдвэр гаргадаг болох “шинэ эриний” үүр цайж байна

18:10
4bf1f4 ginni rometty ibm bloomberg photo 1200xx3000 1688 0 154 x800 
Саяхан IBM компанийн гүйцэтгэх захирал Жинни Рометти компанийхаа ирээдүйн талаар сонирхолтой мэдээлэл өгчээ.
Түүний үзэж байгаагаар IBM өөрийнх нь нэрлэж байгаачлан “танин мэдэхүйн тооцоолол” (cognitive computing) хэмээн шинэ эрин рүү шилжиж байгаа гэнэ.
Энэ ойлголт бол өнөөдрийн IBM-ын өрсөлдөгч нарын хөөцөлдөж байгаа зүйлийн дараагийн шат гэдгийг тэр онцолжээ.
Бусад IT компаниуд болох HP, Cisco, Dell/EMC нар өнөөдрийн чиг хандлага болох “digital company” гэсэн нэрийг зүүхийн төлөө тэмцэж байна.
Үүний цаад утга нь цаасан хэлбэрээс тоон хэлбэрт мэдээллийг оруулах, түүнийгээ мобайл орчинд ашиглагддаг болгох үндсэн зорилготой гэнэ.
Шүдний сойзоос эхлээд машин хүртэл бүх эд хэрэгслүүд мэдрэгч болон аппликэшнтэй болж, хаа сайгүй тэдний үүсгэсэн дата бий болно. Түүнийг нь цуглуулж янз бүрийн зорилгоор ашиглах юм.

Харин IBM-ын үзэж байгаагаар дата бол зөвхөн хадгалагдах зориулалттай эд биш, түүнийг ойлгож мэдлэг болгох нь чухал гэнэ.

Тиймээс Рометти “дижитал болгох нь эцсийн зорилго биш, харин дижитал оюун ухаан бий болгох нь эцсийн зорилго” гэлээ.
IBM-ын супер ухаалаг, сэтгэх чадвартай компьютер Watson нь энэ шинэ эриний анхны платформ, билэгдэл нь болох гэнэ.
Рометти “Дэлхий дээр оршиж байгаа бүх мэдээллийн 80 хувь нь одоогоор таны хэрэглэж байгаа систем, компьютерын хувьд харагдахгүй, мэдрэгдэхгүй байгаа. Тэнд нэг дуу, тэнд нэг кино байна. Та тэднийг хадгалж байж магадгүй ч дотор нь юу байгааг компьютер тань мэдэхгүй байгаа” гэв.
Харин Watson төрлийн компьютер “бүгдийг ухаж мэдэж, сэтгэж, суралцаж байх” ажээ.
Өөрөөр хэлбэл бүх бүтээгдэхүүн, бүх компаниуд дижитал болж, дээр нь нэмээд бүх дижитал мэдээллийг нь ойлгож таньдаг компьютертэй байх нь шинэ эринд шилжсэний тэмдэг болох юм байна.
Рометтигийн тодорхойлсон “танин мэдэхүйн тооцоолол” бизнесүүдийг өөрчилж, илүү оновчтой үр дүнтэй болгоход туслах гэнэ.
Тухайлбал эзнээ ойлгож, автоматаар тохируулан ажилладаг бүтээгдэхүүнүүд, ажилтан бүрийн үйл ажиллагааг хянаж, зааварчилгаа өгснөөр хүн бүрийг экпсерт болгох зэрэг арга замууд байгааг дурджээ.
Тооцооллын шинэ эриний үүр дөнгөж цайж байна.

Эх сурвалж: Ikon.mn
Continue Reading
Posted by at 18:10
Labels:

About Us

Recent

Random