Apple копрораци өчигдөр 2015 оны шинэ iMac дэсктопуудаа танилцууллаа.
Гол дэвшил нь 21.5 инчийн загвартаа 4K дэлгэц нэвтрүүлсэн явдал болжээ. Ингэснээр өмнөх загвараасаа дөрөв дахин (4,096 x 2,304) илүү цэгийн нягтрал үзүүлэх боломжтой болсон байна.
Харин том 27 инчийн дэсктоп нь 5K дэлгэцтэй болжээ. RAM-ны хувьд 8GB болж 16GB хүртэл өргөтгөх сонголттой болсон гэнэ.
21.5 инчийн iMac 4К дэлгэцтэй нь $1,499-ээс эхлэх бол энгийн 1080p (Full HD) хувилбар нь $1,099 болох юм байна.
27 инч нь зөвхөн 5K дэлгэцийн сонголттой бөгөөд үнэ $1,999 хүрэх ажээ.
Шинэ iMac-уудын техникийн үзүүлэлттэй ЭНДЭЭС танилцаарай.
Харин эдгээр дэсктоп компьютерүүдтэй цуг гурван шинэ аксессорууд танилцуулагдсан нь Magic Keyboard, Magic Mouse 2, Magic Trackpad 2.
Шинэ keyboard нь шинэ товчнуудтай болж, ажиллахад улам илүү хялбар, оновчтой болсон гэнэ. Харин шинэ trackpad нь Apple-ын Force Touch технологийг нэвтрүүлсэн юм байна.
Шидэт хулганы хувьд гадна талаасаа ялгарах зүйлгүй ч дотор талдаа нэлээд өөрчлөлт оржээ.
Эдгээрийн нэг том давуу тал нь дахин цэнэглэдэг баттерейтэй ирж байгаа ба USB Lightning кабелаар бусад Apple төхөөрөмжтөй залгаж цэнэглэх боломжтой. Нэг удаа бүрэн цэнэглэхэд 2 цаг зарцуулна. Тиймээс олон дахин нэг удаагийн баттерей солих шаардлагагүй болжээ.
Шинэ iMac авсан тохиолдолд гар нь шинэ Magic Keyboard байх ба нөгөө хоёрынх нь аль нэгийг сонгох хэрэгтэй болно.
Харин тусдаа худалдаж авбал keyboard нь $99, mouse нь $79, trackpad нь $129 болох аж.
Эдгээрийг холбохын тулд таны Mac компьютер Mac OS-ын El Capitan хувилбартай байх ёстой.
Эх сурвалж: ikon.mn
